泰國人主理!大角嘴正宗泰國菜館 濕炒河粉黏滑可口份量充足

[sig_post_pv label=””] 個人瀏覽過





隱藏於大角嘴一隅嘅泰式餐館,表面完全毫不起眼,於網上搜尋吓,不難發現提及呢間小店嘅平台唔多,但事實上餐廳由泰國人主理,值得拍拖兩個人去食吓嘢。

門口僅有泰國象為標誌,中文、英文、泰文名都有,驟眼睇未必知道店內菜式係香港人定泰國人煮,要步入店內先會知道老闆娘係泰國人。

除咗菠蘿粉飯、金邊粉,泰國美食之一嘅重有濕炒河粉$65,可以挑選牛肉或雞肉,外賣甚細心,醬汁同河粉分隔,唔會將河粉浸軟,而牛肉肉絲依附於醬汁同配菜內,只需將河份加入醬汁就得。無論河粉定醬汁都份量充足,一定飽肚,醬汁味濃,質感黏滑,河粉順滑,配菜爽口,的確係有水準。不過,雖然同樣價錢,海南雞飯$65 相對濕炒牛河比較遜色,雞肉較嚡口,油飯稍淡,但算可以醫肚,皆因份量的確好多。



凍泰式奶茶$20、凍泰式紅茶$20 都為泰式飲品,奶茶香甜味較重,紅茶甜味則較輕,不過奶茶嘅茶味又比紅茶濃郁醇厚,茶底有水準。


E.A.Tips﹕

(1) 位置靠近餃子店,於中匯街小巴站對面。

(2) 門口有$8/包蝦片,可以一試。


極品泰國菜館

大角嘴中匯街16號中美樓地下29號舖
12:00 – 22:30
5303 3325

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


在〈泰國人主理!大角嘴正宗泰國菜館 濕炒河粉黏滑可口份量充足〉中有 1 則留言

  1. 自動引用通知: 【區區有💛】大角嘴5間海南雞專門店 邊間$43平絕全區? – eatwo 兩個人醫吓肚

留言功能已關閉。