[sig_post_pv label=””] 個人瀏覽過
韓風曾一度風靡香港，唔少人都鍾意去韓國旅行，其實本地亦有唔少韓風產物，韓式少女風格比日系更簡單直接，要找尋韓風地方基本上無乜難度，因為通常好普通。粉色牆身、炫黑貨櫃已經係韓國少女風格，只要著上迷你裙大騷玉腿打卡，毋須要睇氣質，馬上似足韓國電視上嘅韓妹風格。
（1）大角嘴﹕My Ahjussi
大角嘴區內有一間韓風小店，主打韓國Fusion美食，室內裝潢以韓式花系設計，加上粉色主調甚唯美，再配以鳥籠燈等襯托，略帶韓式小清新風格。店內有韓式便當、泡菜鍋、韓式炸雞、韓式牛肉飯等，甚至Crossover西式嘅韓式泡菜卡邦尼煙肉意粉。
延伸閱讀﹕大角嘴大啖便當炸雞韓式浪漫 神秘韓文霓虹燈牌到底係咩意思？
（2）元朗﹕鳳琴街體育館
元朗市區內隱藏一面韓式少女粉紅牆，離Yoho Mall只係5至10分鐘步程，牆身以粉藍、粉紅相間，顏色鮮艷而未有褪色，拍攝起來畫面夢幻，好有韓國少女風格，其實只係體育館門外，近停車場位置，但可以打吓卡，不過要特別注意車輛出入同個人安全。
（3）石硤尾﹕石硤尾公園
另一面粉紅牆位於石硤尾區內石硤尾公園一隅，相對鳳琴街體育館嘅粉紅牆，同樣由粉紅、粉藍相間，但比較淺色，位置近廢棄水池，同樣充滿韓國少女粉色風格，同時可以於公園內迆吓，適合拍拖兩個人靜靜地逛一逛。
延伸閱讀﹕石硤尾公園廢棄水池藏韓國粉色少女打卡牆 南昌街現星洲娘惹式格仔彩虹屋
（4）長沙灣﹕麗閣商場
除咗粉紅牆，長沙灣區內更有一座韓式貨櫃，2019年尾活化後演變成貨櫃商場，從外面觀察，似一個個貨櫃堆疊而成，以炫黑色調為主，相當型格，加上少量塗鴉設計，更有標誌性。
（5）西環﹕瀑布灣公園石灘
向西環方向而走，可找於海邊找尋狀似韓國濟州島黑礁石形狀嘅海岸岩石，附近可見小型瀑布、似雞蛋仔嘅亂石，而對岸就係南丫島，只需將岩石調得較深色，即恍如韓國濟州島石灘。
