[sig_post_pv label=””] 個人瀏覽過
一般人對南洋嘅睇法就係指舊時南方嘅海洋，即而家所講嘅東南亞地區，如馬來西亞、新加坡、印尼等地，當中新加坡亦係一個受香港人歡迎嘅旅遊國家，尤其係叻沙、肉骨茶等地道料理，而於本地要拍拖有新加坡偽旅遊感覺，最好嘅方法就係搵一間有正宗地道菜式嘅餐廳，再找尋可以拍攝偽旅行照片嘅地方打卡，睇睇今次編輯兩個人去邊度？
（1）北角﹕古月
北角有一間專門炮製地道新加坡肉骨茶嘅小店，亦係獲得《米芝蓮指南2021》必比登推介嘅巷弄餐廳，肉骨茶肉量足夠，湯底帶胡椒粉辛辣味，未必係本地人嘅口味，但就係新加坡人嘅正宗肉骨茶口味，值得一試。
延伸閱讀﹕港島7黃店入選《米芝蓮指南2021》必比登推介 北角突襲封區內摘星餐廳 實試正宗新加坡肉骨茶
（2）石澳﹕彩虹屋
新加坡有唔少獨特風格嘅建築，環境舒適，當中色彩繽紛嘅小屋就係唔少人嘅打卡地方，而香港石澳亦似一個小鎮，擁一間間彩色小屋，有如七色彩虹屋，甚為特別。
延伸閱讀﹕石澳絕美歐陸小鎮 情人橋+天空之鏡打卡
（3）大角嘴﹕星洲總廚
另一間藏於大角嘴嘅星馬菜餐廳就以肉骨茶、海南雞飯、叻沙、椰漿飯、三色奶茶為主要菜式，最特別之處係招牌厚切豬扒，味道香濃美味，叻沙味道不過不失，而椰漿飯內有濃郁椰香味，水準不俗。
延伸閱讀﹕大角嘴街角星馬菜餐廳 大大塊厚切豬扒上枱就聞到香味 最出色唔係菜式係乜？
