[sig_post_pv label=””] 個人瀏覽過
大角嘴向來係迷你美食區，出品優良，最近又有一間全新咖啡店開業，離奧海城3期只有3分鐘步程，非常方便，小店由朝早8點半營業至夜晚8點半，既可以兩個人食早餐，亦可以拍拖歎下午茶，甚至午餐、晚餐，每樣都屬街坊價錢。
於6月下旬開業嘅大角嘴新店「啡日」，地方唔大，只有百餘呎空間，但樓底幾高，無乜壓逼感。小店以外賣為主，亦有少量堂食座位，
輕食當中有三文治、牛角包、貝果等，當中碎蛋沙律貝果$27 幾厚身，份量唔小，Bagel唔算非常煙韌，只係介乎煙韌同軟熟嘅質感，蛋沙律以熟蛋粒同炒蛋混合，蛋香味十足，餡料幾多，算有誠意。
飲品有自家製芋泥系列配豆花豆奶，但編輯對芋泥無乜興趣，所以只係飲杯抺茶鮮奶$30至$33，但Set形式只係加$12，合共$40有找。抺茶鮮奶有濃郁抺茶味，鮮奶亦柔滑，最難得係有蓋咖啡杯下竟然都有拉花，奶泡夠幼滑，亦夠軟綿。
另外，主食有意粉、飯、漢堡可擇，大多數都係$30至$40，最貴嘅只係$60幾蚊招牌巨魚潛艇，亦有4款炸物小食，包括雞翼、魚柳、蟹鉗、薯條，每份$20零蚊，至少係街坊價錢。
E.A.Tips﹕
(1) 小店會不定期休息，最好預先查詢店方，以免白行一趟。
(2) 有少量座位，以外賣為主，有提供外賣自取，可預先致電6340 9638落單。
(3) 早餐、下午茶供應時間為08:30至12:00、15:00至17:30，而主食供應時間則為12:30至20:30。
(4) 加$5有冷泡茶，加$8有茶或梳打，加$12有熱咖啡或特飲。
(5) 店內有大角嘴社區報《角醒》。
(6) 店內只有兩個人座位嘅高枱櫈加兩個人座位嘅矮枱櫈。
(7) 定位另一良心店築匠就會搵到，位置於築匠隔離。
日啡 Day Coffee
大角嘴鐵樹街5A號金旺閣地下9號舖 
08:30 – 20:30 
6340 9638
在〈離奧海城僅3分鐘步程！大角嘴全新街坊早餐店 每日啡一啡飽肚套餐$40有找〉中有 1 則留言
留言功能已關閉。