大角嘴韓式炸雞店主打外賣 一人份量泡菜飯卷最平$20

[sig_post_pv label=””] 個人瀏覽過





大角嘴雖然只係一個小區,但基本上咩菜或都可以搵得到,今次呢間以外賣為主嘅韓國菜食店,以韓式炸雞聞名,於區內得良好口碑,據悉炸雞香脆入味之餘,更配有超多款醬汁,包括拍拖兩個人必食嘅甜蜜蜜蜜糖芥末炸雞,不過個個都講炸雞,編輯就無謂多講,不如睇睇有無咩其他小食好過啦!

大門口黑板寫有「韓式紫菜飯卷」,包泡菜牛肉芝士包飯$38、泡菜豚肉芝士包飯 $38 、泡菜炸雞芝士包飯 $38 、素菜包飯$20,價錢經濟實惠,紫菜包飯亦為韓國小食,此外重有韓式冷麵 、泡菜炒年糕 、炸紫菜卷、炸粟米狗等。

更有原味、蜜糖芥末醬、三重混合芝士醬、甜辣醬、港式鹹蛋黃醬、柚子檸檬醬、馬來沙嗲醬口味,愛好韓國嘅朋友,同樣可以當係返韓國鄉下嘅。

當中,實試一條泡菜炸雞芝士包飯 $38 ,份量唔少,可以飽肚,飯量等同一碗飯,餡料內有黃瓜、青瓜、煎蛋、炸雞,不過炸雞唔太脆。而飯亦唔簡單,以泡菜醬撈勻,雖然芝士味唔重,但有泡菜味,帶有陣陣酸味,而難得泡菜唔辣,容易入口。




E.A.Tips﹕

(1) 店內有少量立食位置,但通常都係外賣。

(2) 位置離奧海城僅約5至10分鐘步程。


咯咯雞韓食店

大角嘴大角嘴道61號牡丹大廈地舖
星期一至六 12:00 – 23:00、星期日 11:00 – 23:00
3611 9009

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


在〈大角嘴韓式炸雞店主打外賣 一人份量泡菜飯卷最平$20〉中有 1 則留言

  1. 自動引用通知: 【區區有💛】大角嘴3間小店掀結業潮!走肉.朋友宣佈2月底最後營業 $68全素自助餐不再 – eatwo 兩個人醫吓肚

留言功能已關閉。