鰂魚涌足料鮮蝦濃湯麵 湯底濃郁麵條掛湯

鰂魚涌足料鮮蝦濃湯麵 湯底濃郁麵條掛湯【有片】



    [sp_html5video category=”1699″]

    去完鰂魚涌公園賞花後,小編喺附近搵食,行返出去搭車條路發現呢間幾吸引嘅蝦麵店,顧名思義主打鮮蝦濃湯麵,入內幫趁嘅原因仲因為佢係良心小店。

    步入店內,坐低揀定嘢食就可以出去落單,雖然舖頭細細,但完全都係電子落單程序,自己喺電子屏幕點單,揀完可以選擇用八達通等電子付款功能,相當方便。近排武漢肺炎肆虐,見到呢間小店都有唔少消毒用品供客人使用,衛生始終係最重要。

    咖哩喇沙湯底+海鮮麵 $78

    一碗內餡包含有大蝦、魷魚翼、青口、腐角、蟹柳,湯底係咖哩喇沙湯,味道香濃惹味,咖哩味加喇沙味絕對濃上加濃,嗜辣者會覺得辣味超刺激,麵條掛湯好惹味,而唔太食得辣就會覺得得辣味較重,建議唔太食辣嘅朋友要留意。

    辣味蝦湯底+蝦肉肉骨麵 $79

    以蝦肉加肉骨為主要材料嘅蝦肉肉骨麵,加入肉骨令入口似新加坡肉骨茶,再配搭辣味蝦湯,呢款湯底雖然係叫辣味蝦湯,但事實上只係微辣口味,唔太嗜辣嘅小編都可以接受,麵條掛湯吸收肉骨同蝦味精華,有鮮甜味同肉味。而蝦肉同肉骨本身似係用嚟熬湯,蝦肉對切開兩半兼同肉骨一樣有熬湯感,雖然質感無齋白灼咁爽口同軟嫩,但入口亦都OK,感覺唔浪費食物,完美利用熬湯嘅材料作另一款菜式,呢樣其實都係烹調食物嘅功夫之一。

    交通﹕近鰂魚涌公園二期

    蝦麵店

    地址﹕鰂魚涌海光街7-9號龍景大廈地下5C號舖
    營業時間﹕11:30 – 20:00
    電話﹕2866 1883

    延伸閱讀﹕鰂魚涌公園綻放紅花風鈴木 3月紫紅風暴超壯觀

    Δ 版權為E.A.Two 兩個人醫吓肚所有,歡迎轉貼連結,勿全篇文章轉載

    Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!