南昌公園黃花風鈴木盛開 滿天黃花鮮艷不俗氣

鰂魚涌公園綻放紅花風鈴木 3月紫紅風暴超壯觀



驟眼看,紅花風鈴木狀似風鈴,顏色鮮艷,一般為紫紅色或粉紅色,掛喺樹上極度吸睛。紅花風鈴木唔代表花朵顏色為紅色,今次小編喺3月中旬剛發現嘅紅花風鈴木為紫紅色,春天開花極壯觀!粉嶺嗰棵偏粉紅色嘅紅花風鈴木已全凋謝,葵芳嗰棵近屋邨好難拍攝靚相,但鰂魚涌公園呢棵紅花風鈴木竟仍然盛開!

    

紅花風鈴木即係洋紅風鈴木,學名為Tabebuia Rosea,英文為Pink Poui,係紫葳科嘅風鈴木屬,為常綠喬木,原產地係熱帶美洲,包括墨西哥、巴西、巴拉圭、玻利維亞。樹高25米,最高30米,直立而夕分枝,樹皮表面有灰白斑點,有5片小葉,正面呈綠色有光澤,背面為淡綠色,全緣無鋸齒,開花時葉還留樹上,花則多呈紫紅或粉紅,間中為白色,聞落無香味,花長7至8cm,直徑約3至5cm,呈頭狀花序,花萼甚小,花冠呈漏斗形,花瓣分5片,有4枚雄蕊,對比黃金風鈴木,紅花風鈴木嘅花期較長,花期為1月至3月,結果期為2月至4月。

基本上紅花風鈴木要等樹葉落盡先會盛開,現場所見偏紫色嘅紫紅色紅花風鈴木比櫻花更靚,園內有2至3棵紅花風鈴木,花比櫻花面積大,但紫色比粉紅色更添高雅感。如果多幾棵紅花風鈴木,要拍攝滿屏紅花風鈴木效果嘅話,肯定比櫻花更迷人。

紅花風鈴木每逢春天開花,夏天長葉結果,秋天枝葉茂盛,冬天滿地枯葉。紅花風鈴木有藥用價值,可治寄生蟲、瘧疾、子宮癌、扁桃腺炎,熬煮有退燒止痛功效,不過成份有副作用,都係唔好亂試,有事記得請教醫生。

地上有好多飄落嘅紅花風鈴木,執起拎上手拍攝細緻位,又或拍攝人像都好配合,紫色顯得高貴、優雅又有氣派,不顯俗氣,抬頭仰天滿目紅花風鈴木,俯瞰地上亦有眾多已飄落嘅紅花風鈴木。大自然當中,紫色比較罕見,紫紅色嘅紅花風鈴木令人感覺介乎華麗、冶艷之間,熱情之餘亦不失高貴。所以,紅花風鈴木絕對係兩個人拍拖影相位。

E.A.Tips﹕
今次見到嘅紅花風鈴木位置喺鰂魚涌公園二期,遠睇仲疑似睇到藍花楹,位置近公園公廁望上去,鐵絲網隔住過唔到,不過鰂魚涌公園二期隔離條路好似係禁止進入,一邊入口有保安亭,另一邊入口係香港警察汽車扣留中心,安全起見唔好為咗打卡胡亂進入啦,可以用航拍或長鏡影。

賞花還賞花,記得要做個有質素嘅香港人﹕
1. 保持安靜,勿開喇叭聽歌或大聲講大聲笑
2. 自己垃圾要自己帶走

交通﹕
往鰂魚涌公園二期﹕近鰂魚涌、往鰂魚涌公園﹕近太古
途經巴士﹕九巴 102, 606, 613;新巴或城巴 2, 2A, 18X, 77, 82, 85, 99, 102, 606, 682, 722

鰂魚涌公園
地址﹕鰂魚涌海堤街(鰂魚涌公園一期) / 鰂魚涌太古城(鰂魚涌公園二期)
開放時間﹕24hours(康樂設施07:00 – 23:00)
免費入場

延伸閱讀﹕鰂魚涌足料鮮蝦濃湯麵 湯底濃郁麵條掛湯【有片】

延伸閱讀﹕南昌公園黃花風鈴木盛開 滿天黃花鮮艷不俗氣

延伸閱讀﹕將軍澳櫻花樹下打卡 捕捉最後一朵櫻花

延伸閱讀﹕蔚藍天空映襯粉紅櫻花 大埔海濱公園野餐賞櫻

延伸閱讀﹕黃大仙驚現禾雀花 外形奇特被列瀕危保護植物

延伸閱讀﹕錦田石崗村睇火紅木棉花 燦爛盛開勁吸睛

延伸閱讀﹕馬鞍山蒲桃開花似光纖 果實香甜可食用

延伸閱讀﹕天水圍公園垂落串錢柳勁搶眼 睇埋代表香港嘅洋紫荊

延伸閱讀﹕沙田公園睇宮粉羊蹄甲 狀似洋紫荊到底點分?

延伸閱讀﹕抗疫賞花!動植物公園激罕繡球樹開花 大紅色超有氣派

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!