KOK KOK

錦田隱世正宗泰國菜 平價濕炒河粉極惹味

[sig_post_pv label=”瀏覽:”]





[sp_html5video category=”1845″]

錦田最聞名嘅係錦田紅磚屋同錦田壁畫村,一般人搵食都會去靠近西鐵錦上路站嘅盈匯坊,離西鐵站只係3分鐘步程,對懶人嚟講的確好方便,但記者係搭巴士去錦田。要搵好嘢食當然唔係咁簡單啦,事實上行遠少少已經可以搵到更高質嘅食店。

經過紅磚屋同壁畫村,行到錦田公路,會發現馬路兩旁都有好多食肆小店,今次帶大家去一間良心小店試吓一間正宗泰國菜。

延伸閱讀﹕錦田紅磚屋前身係蠟燭廠 室內市集52間小店驚喜尋寶

延伸閱讀﹕錦田壁畫村40幅壁畫充滿愛 分佈全區任打卡

店舖樓上係村屋嚟,樓下就係食店,正面有綠色鐵閘,側面入口以黃色鐵閘為主,門口擺放咗少量戶外座位,坐外面食都幾Chill吖!小店門口喺側面,甫踏入店內,店員即為客人量度體溫,確保店內食客安全,本身枱與枱之間都有空間,唔使出限聚令都已經有分隔,基本抗疫措施都有做到。

呢間小店主打泰國菜,價錢極相宜,細心啲從窗口望入廚房,可以發現大廚係泰國人,難怪可以炮製正宗泰國菜式。

泰式炒金邊粉 $58 大蝦都有3隻,咬落都幾爽口,金邊粉好煙韌,只係有少少偏硬,唔係炒到軟淋淋,好乾爽,炒得好均勻,每條都黏有醬汁,入口略帶酸甜味,好開胃。

Like Facebook 緊貼最新資訊,一個Like一個鼓勵,支持原創文章,向Content Farm說不。】

濕炒河粉 $58 極度推介嘅一碟泰式菜!河粉極入味,除咗炒得均勻同黏有醬汁,河粉入口軟硬適中,好有黏稠感。配料可以揀雞肉、牛肉或豬肉,我哋就揀咗雞肉,至於配菜主要係蔬菜同菇菌類,河粉本身偏油膩,夾埋配菜可以清新味蕾。

凍冰冰嘅泰式奶茶,甜度恰好,奶香味十足,茶味都有,但茶味稍輕,奶香味蓋過茶味。另一杯同樣凍冰冰嘅泰式青檸紅茶,甜度亦控制得好好,檸味清香,紅茶味超濃,入口同泰式奶茶嘅茶味唔一樣,比泰式奶茶嘅茶味濃香得多。

延伸閱讀﹕錦田街坊茶記爆汁牛漢堡 低調高手製超濃蕃茄湯

延伸閱讀﹕錦田百年樹屋被颱風吹冧 平湖雙池塘天空之鏡日落勝地

交通﹕錦上路巴士站,經有蓋行人天橋同盈匯坊,繼續前行經過錦上路同錦田紅磚屋,鄰近錦田壁畫村,去到錦田公路向右邊行,會見到綠色、黃色鐵閘嘅小屋。

KOK KOK

地址﹕ 元朗錦田城門新村90號地舖
營業時間﹕ 星期一至四 11:30 – 16:30、18:00 – 22:00;星期五至日 11:30 – 17:00、18:00 – 22:00;公眾假期 11:30 – 17:00、18:00 – 22:00
電話﹕ 9889 8579

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!