錦田紅磚屋係一個位處錦田嘅跳蚤市場，甫踏入門口，市集室內好有日本地下街嘅感覺，靠近祠堂村同吉慶圍，附近仲有錦田壁畫村，紅磚屋逢星期六、日、公眾假期開放，適合周末拍拖行逛。
而錦田紅磚屋本身係一間蠟燭廠嚟，喺2007年先改建成呢個充滿特色嘅室內市集，20000平方呎有52間由紅磚砌成嘅小店，逐間小店行逛，分分鐘搵到心頭好呢。
目前仍然營業嘅小店有茶座、食店、蠟燭店、手作店、家具店、服裝店等，有滿滿懷舊味道嘅小店，亦有新潮嘅店舖，感覺穿梭古今一樣，尤其係啲手作店的確值得閒逛，呢種精品係大型shopping malls難以搵到嘅。
當中，有一間手工蠟燭店叫Angel Candle，至今仍屹立紅磚屋，店內有林林總總唔同種類嘅燭台同精品，留意到好多都係香薰蠟燭，仲有再造環保蠟燭。
店內可愛嘅手作蠟燭同燭台勁吸睛，包括有大象、雀鳥同貓頭鷹造型，款款新穎獨特，色彩繽紛，相當精緻。
疫症期間，小店亦做足抗疫措施，包括有消毒用品俾客人使用，可以放心慢慢兩個人行逛。
【Like Facebook 緊貼最新資訊，一個Like一個鼓勵，支持原創文章，向Content Farm說不。】
交通﹕
錦上路巴士站，經有蓋行人天橋同盈匯坊，繼續前行到錦上路，向右邊行就會見到入口。
延伸閱讀 : 隱世正宗泰國菜 平價濕炒河粉極惹味
錦田紅磚屋
| 地址﹕ | 錦田錦上路祠堂村旁 |
| 營業時間﹕ | 星期六及日 10:00–20:00；星期一至五休館 |
| 電話﹕ | 2482 2188 |
在〈錦田紅磚屋前身係蠟燭廠 室內市集52間小店驚喜尋寶〉中有 6 則留言
留言功能已關閉。