基督君王小堂

銅鑼灣羅馬式教堂勁有古典味 屬一級歷史建築



位處銅鑼灣嘅聖保祿修院基督君王小堂,喺聖保祿醫院後面,鄰近聖保祿學校,係屬於天主教教會嘅一座教堂。建築設計好特別,望落好宏偉,滿滿古典色彩,完全無諗過銅鑼灣鬧市同醫院背後會有一座咁亮麗嘅教堂。

基督君王小堂於1930年建造,1973年曾重修,至今係一級歷史建築。小堂建築以羅馬式風格設計,頂蓋呈圓形,再加上以格林多柱建造,最大特色係只有角落嘅柱呈方形,其他都係呈圓形,柱頂雕花,柱身直立又有底部。

而教堂內為拉丁十字形,教堂頂部有基督君王像,君王手托地球,旁邊每條柱都充滿羅馬式風格,古典味極重,正門中央有圓拱形鐘樓,下面刻有Regem Regum Venite Adoremus拉丁文字樣,意思係來朝拜萬王之王。

走入教堂,室內基本無柱阻隔,空間甚廣,光線充足,可以清楚睇到前面中間半圓形聖所。高處仲有3扇彩繪玻璃窗,圖案有耶穌基督、聖母領報、聖母升天,主要祭台嘅最後的晚餐浮雕係由法國藝術家設計。

棉花路T字形舊式路牌

交通﹕銅鑼灣沿聖保祿醫院方向行即達。

基督君王小堂

地址﹕銅鑼灣加路連山道33號聖保祿修院
電話﹕2576 1768

延伸閱讀﹕全港5大超靚教堂 穿越歐洲唔使搭飛機

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!