教堂向來有種神聖意義，除咗進行宗教儀式，亦係唔少人結婚之地，兩個人由拍拖到結婚經歷滿滿，但未結婚嘅朋友都可以去教堂行吓散吓步嘅，因為香港有好多教堂建築都係值得欣賞，個個建築宏偉，富有美感。抗疫期間雖然無得去旅行，但留喺香港一樣隨時有一秒去歐洲嘅感覺，不妨去打吓卡啦！以下五個充滿特色嘅教堂，分別係香港法定古蹟、一級歷史建築，你又去過幾多個呢？
【Like Facebook / MEWE 緊貼最新資訊，一個Like一個鼓勵，支持原創文章，向Content Farm說不。】
伯大尼修院 
基督君王小堂
（1）伯大尼修院
位處薄扶林道嘅伯大尼修院即係伯大尼教堂，屬香港法定古蹟，曾為香港演藝學院作校舍，係現今全港唯一新哥德式教堂。教堂設計簡單有特色，純白色為主調，潔白莊嚴，四面走廊設計，布局對稱，基座由毛石、硺石牆、裝飾扶欄、尖拱柱組遊廊構成。
伯大尼修院 
伯大尼修院
地址﹕薄扶林
延伸閱讀﹕超靚新哥德式教堂 似去咗外國
（2）天主教玫瑰堂
天主教玫瑰堂座落尖沙嘴，正對香港歷史博物館，係一間最啱少女打卡嘅粉紅教堂，屬天主教堂，由天主教香港教區管理，亦係香港一級歷史建築。以典型哥德式建築設計，加上羅馬公共會堂為藍本，以藍天白雲映襯時特別有童話感覺。
天主教玫瑰堂 
天主教玫瑰堂
地址﹕尖沙嘴
延伸閱讀﹕尖沙嘴神秘粉紅教堂 最啱少女打卡
（3）基督君王小堂
而聖保祿修院基督君王小堂就位處銅鑼灣，靠近聖保祿醫院同聖保祿學校，屬天主教教會一座教堂，設計特別有古典味，神秘又宏偉，相當亮麗，係一級歷史建築。教堂以羅馬式風格設計，圓形頂蓋加上格林多柱，柱頂雕花，柱身直立，滿滿古典色彩，祭台嘅最後的晚餐浮雕亦係由法國藝術家設計。
基督君王小堂 
基督君王小堂
地址﹕銅鑼灣
（4）聖約翰座堂
靠近中環山頂纜車嘅聖約翰教堂，設計罕見，係香港聖公會香港島教區的主教座堂，以哥德復興式建築為主，屬香港法定古蹟之一，教堂將十三世紀早期英格蘭式同華麗哥德式建築融合，係香港最古老嘅西式教會建築物。從教堂觀察，旁邊全為高聳入雲嘅摩天大廈，淺黃色為主調，四個尖頂呼應圓窗同長拱形窗，教堂頓時有脫俗感覺。
聖約翰座堂 
聖約翰座堂
地址﹕中環
延伸閱讀﹕激罕哥德復興式建築 中環聖約翰教堂打卡
（5）愉景灣白教堂
愉景灣白教堂鄰近海邊，遠離煩囂，超有渡假感覺，純白色三角形設計極吸睛，透過落地玻璃飽覽海天一色，相信係最多人熟悉嘅教堂。
愉景灣白教堂 
愉景灣白教堂
地址﹕大嶼山愉景灣
延伸閱讀﹕情侶打卡地！ 愉景灣海濱白色教堂超夢幻
聖約翰座堂
E.A.Tips﹕
（1）教堂係神聖地方，記得打卡還打卡，要保持安靜，勿喧嘩叫囂。
（2）部份教堂內部係唔可以隨意影相，最好都係留喺戶外影啦。
在〈全港5大超靚教堂 穿越歐洲唔使搭飛機〉中有 6 則留言
留言功能已關閉。