初三當然要去車公廟走一轉啦，轉個靚運都好！
目前車公廟其實係一座香港二級歷史建築，呢座廟宇主要係紀念與奉祀車公 。今年小編兩個人拍拖嚟拜車公，因為感覺車公好似顯靈咗，唔知會唔會因為車公都食過催淚彈呢？
今年2020年車公廟92號籤文如下﹕「人生何在逞英豪，天理人情只要公； 天眼恢恢疏不漏，定然作福福來縱」
真係唔使解籤佬都識解，講得太白啦！似乎講緊上年香港抗爭者受盡黑警不恰當嘅武力攻擊，天網恢恢黑警做盡壞事會有報應，香港人最終可走上自由法治民主道路，最終會有福祿。
值得一提，籤文仲有句「馬謖帶兵」。
故事簡單嚟講，馬謖一直無帶過兵，馬謖只係一直紙上談兵，能力不足，但馬謖幫咗諸葛亮好多，有次諸葛亮派咗馬謖帶兵，最終馬謖戰敗收場，諸葛亮被逼揮淚斬馬謖，將馬謖治罪。似乎正正講緊香港目前狀況，林鄭一直做後勤，最終被中共派做特首，但領導能力不足，而且欠缺政治智慧，所以將香港局面愈搞愈差。不過最終結局如何就不得而知，期望同籤文一樣啦！
小編表示啲雲真係神來之筆，覺得自己影得好似真係車公顯靈咁！
地址﹕沙田車公廟路7號
開放時間﹕08:00–18:00
電話﹕2603 4049
