沙田公園睇宮粉羊蹄甲狀似洋紫荊到底點分？

沙田公園靠近城門河，係一個可以好舒服散步嘅公園，公園同時近沙田大會堂、新城市廣場，相當方便，係兩個人去拍拖散步嘅好地方。

除咗沙田公園外，將軍澳單車館公園亦有宮粉羊蹄甲，花期為2月至5月，花序為頂生或腋生，花萼為管狀，有5片花瓣，顏色為粉紅或淡紫，有一片有深紅色條紋，花有香味，通常春天溫暖時會生長。

宮粉羊蹄甲學名為Bauhinia variegata，為落葉小喬木，屬豆科蘇木亞科羊蹄甲屬有花植物，樹高7米，株高4至6尺，被稱為印度櫻花、南洋櫻花。宮粉羊蹄甲花、花芽、嫩葉、幼果雖然可入藥，醫治消化不良，但最好都係唔好亂試啦！

小編初時將宮粉羊蹄甲同洋紫荊撈亂，事實上宮粉羊蹄甲同洋紫荊雖然都係屬於羊蹄甲類，都係屬於喬木同有心形葉，而且開花時有5條雄蕊，呈紫紅色，其實睇花朵會比較容易分辨，洋紫荊嘅顏色較深，而宮粉羊蹄甲則偏向粉紫紅，顏色較淺，至於花瓣形狀亦比洋紫荊寬而短。

Δ 如果覺得我哋嘅介紹啱睇，就Like吓我哋Facebook / Follow吓我哋Instagram啦！