香港中區兩餸飯推介！金鐘海富商場美樂小食賣平民健康住家菜
【#商業區兩餸飯】中環至金鐘、銅鑼灣至灣仔一帶均為香港中區，亦係本地商業區，區內餐廳向來價格偏高，只有快餐店午餐價錢比較相宜，但事實上中區都有平民兩餸飯，與其去食唔值得去食嘅快餐，倒不如去幫襯本地能夠支持嘅兩餸飯，健康又合心水，即使拍拖兩個人去買，隨時$100有找！ 港島區最後一間兩餸飯店，亦係開業最耐嘅一間，由2008年至今已有逾10年，一直躲藏於金鐘海富商場內，每盒兩餸飯$46，價錢唔包括要另加$6嘅湯水，每日堅持有8款餸，菜單幾乎日日不同，餸菜款式包含咸蛋蒸肉餅、麻婆豆腐、粟米肉粒、雲耳蒸雞、西芹雞柳等，一直標榜「家庭式住家餸」、「絕無味精」、「少油」。的而且確，餸菜喺醬汁、油份方面係抵制得宜，整體並唔油膩，而醬汁又唔會太濃稠，肉類都係挑選比較瘦削嘅肉質。