【新年好去處2024】荃灣廣場戶外設海量熊貓極似外賣平台宣傳廣告？

今個新年，有好多商場展覽都以貓咪為主題，荃灣廣場都係用貓，不過係熊貓，出現大量熊貓主題打卡裝置，似乎有意吸引拍拖兩個人去影吓相。不過編輯放眼一望，誤以為整個展覽係一個外賣平台嘅宣傳活動！

荃灣廣場新年展覽並非設於中庭位置，皆因中庭只有一田市集。今次展覽反而設於戶外平台，並以「幸福熊貓新春園」為主題。現場可見，一邊係常設遊樂場，另一邊就係多個熊貓打卡位，只係遊樂場至少吸引到小朋友，而展覽吸引到嘅竟然只係放假嘅「姐姐」們。

由2024年1月12日至2月18日，荃灣廣場戶外平台都有一系列招財造型熊貓裝置，據悉當中包含有38隻熊貓！甫入場就有一面連綿20米展嘅「幸福熊貓開運牆」，基本上無乜驚喜。

一隅有「碌出好運熊貓陣」，其中有一隻又一隻圓碌碌熊貓列隊。而比較特別嘅係高約3米嘅粉紅色毛絨絨「幸福萌爆巨型熊貓」，等同女生鍾意嘅毛公仔。不過，參觀時只諗到一個理性問題。倘若落大雨，毛絨絨巨型熊貓公仔會變成咩樣呢？如果係戶外平台嘅展覽，點解會用絨毛製作呢？呢種毛絨絨公仔，唔係應該用作室內展覽咩？

至於巨大熊貓公仔旁邊，就係同常設裝置無太大分別嘅「甜蜜浪漫花圃」及「幸運幻彩隧道」。而「甜蜜浪漫花圃」係一個小互動區域，中間以鏡面設計，似乎又係想以萬花筒模式展示，驚喜不大。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 即日起至2月18日，凡The Point會員於5樓即場影相打卡，再hashtag #TsuenWanPlaza #荃灣好去處，並讚好荃灣廣場Facebook / Instagram / 小紅書，即可於「甜蜜浪漫花圃」獨家拍照，體驗AR互動裝置。

❷ 荃灣廣場有一套4款限量「幸福熊貓利是封」可以換領。

❸ 活動期間，凡即日以電子貨幣消費滿$200，並即場登記積分，即可免費參加L5空中樂園內嘅「自助DIY幸運手作坊」。工作坊包括有「荷包滿滿利是包」、「趣味小飛龍」，活動日期分別為2024年1月27日及2月3日及2024年1月28日及2月4日，時間都係下晝2至5點。

❹ 凡即日起至2月18日，於5樓「幸福熊貓新春園」打卡，上載社交平台，並 hashtag #TsuenWanPlaza #荃灣好去處，讚好荃灣廣場Facebook / Instagram / 小紅書，官方即賞你「開運便利貼」。

EATWO

Miss A

人人和平姊妹店！午市無加一、套餐送甜品！北角Gotthard base西餐廳歎西冷扒／香煎比目魚／燒豬仔髀！

兩個人旅吓行

專題

E.A.Tips :

荃灣廣場「幸福熊貓新春園」