香港結業潮下，美食小店似乎一間又一間逐步消失，縱然搵食艱難，現時依然有唔少值得支持嘅小店尚存，香港人一樣可以拍拖兩個人搜羅各種喜愛菜式，甚至性價比高嘅餐廳選擇。今次E.A.Two編輯就為大家整理2024年荃灣區尚存嘅餐廳小店，即睇該區隱藏美食介紹！

Cafe

90s Lazy

於觀塘及旺角鬧市都有分店嘅「90s Lazy」，目前同時於荃灣設有分店，該店由90後年輕人打理，屬典型樓上咖啡店，店內以全日早餐及意粉等菜式為主。

延伸閱讀﹕九十後部落觀塘新分店開業懶人週末悠閒上樓歎All Day Breakfast

The 5B Private Corner

位於荃灣西工業區一帶嘅「The 5B Private Corner」，亦係一間樓上咖啡廳，屹立多年，小店正對荃灣西海濱長廊，地方不小。

延伸閱讀﹕荃灣工廈隱世Cafe 對海景食Tea勁梳乎

KOKO Coffee Roaster

荃灣南豐紗廠曾經有多間小店可以選擇，單單咖啡店亦非5隻手指數得完，但目前南豐紗廠內僅餘嘅小店，3隻手指數得完。其中一間為「KOKO Coffee Roaster」，該店位處地下，以手沖咖啡為主。

延伸閱讀﹕慢活歎Brunch 南豐紗廠小店撐本地品牌手沖咖啡

秘密花園1981咖啡店

另一間荃灣區內嘅咖啡店為「秘密花園1981咖啡店」，該店位於荃灣大會堂劇院內，交通方便，比較適合睇show前後食個tea。

延伸閱讀﹕荃灣清靜秘密花園大會堂劇院咖啡店歎下午茶

Cozy Cafe

而「Cozy Cafe」於多區都有分店，荃灣店則與「KOKO Coffee Roaster」一樣，位於荃灣南豐紗廠內，該分店同其他店一樣，都係採用開放式設計。

延伸閱讀﹕有心思兼有質素葵涌隱世文青小店

素食

素悅軒

素食者福音！以素食車仔麵為主嘅「素悅軒」，多年來一直屹立於荃灣巷弄中，唔少素菜都模仿葷食，整個餐牌內有約24款車仔餸，包含純素及蛋奶素選擇。

延伸閱讀﹕超隱秘！素肉骨茶湯底！荃灣巷弄素食車仔麵$50有找 24款純素/蛋奶素車仔餸任揀

無肉食

而「無肉食」則為本地知名素食自助餐廳，適合想食buffet，但又唔多食葷食嘅朋友，荃灣店位於大河道一帶，交通便捷。

延伸閱讀﹕食Buffet有外帶！無肉食自助餐仍供應自選任夾外賣飯盒全港5間分店抵過堂食低至$50

天．悠蔬食

另一間素食餐廳為「天．悠蔬食」，係尖沙嘴「雅．悠蔬食」嘅姊妹店，荃灣店就位於荃新天地二期全新美食廣場「一門町」內。

延伸閱讀﹕每月轉餐牌？尖沙嘴素食新煮意可Encore 健康心機蔬食有得揀

韓國菜

吔嘢事務所

原先位於灣仔集成中心嘅「吔嘢事務所」，已經結業，目前移師至荃灣區，座落鱟地坊一帶，最大特色係打卡able嘅法式千層酥！

延伸閱讀﹕灣仔集成中心商場角落吔嘢事務所水果千層酥顏色鮮艷打卡able

Try my bread

而「Try my bread」於其他區都有分店，該店以韓式egg drop為主，包含滑蛋吐司，荃灣店位於美食小店眾多嘅路德圍內。

延伸閱讀﹕近長沙灣九工！人氣滑蛋吐司店賣韓式Egg Drop 霸氣脆炸軟殼蟹酥香十足

韓閣

而「韓閣」亦係一間擁有幾間分店嘅韓國菜專門店，該店有炸雞、石頭鍋飯、水冷麵等，荃灣店同樣位於路德圍範圍內。

延伸閱讀﹕【區區有小店】荃灣路德圍尚存食店 15間本土推介路德圍小店｜荃灣路德圍推薦2023

東南亞菜

越翠苑

至於「越翠苑」，係一間比較低調嘅越南菜餐廳，雖然位於荃灣區，但實際位置係靠近大窩口方向，該店為地道越南菜，水準不俗。

延伸閱讀﹕荃灣低調正宗越南菜一秒飛到越南

越男仔

另一間越南菜餐廳係目前依然分店不少嘅「越男仔」，荃灣店位於大壩街一帶，各式越南菜式選擇眾多，水平唔算好高，但價格亦相宜。

Baba's Station

位於荃灣路德圍嘅「Baba’s Station」，係東涌「天湖印度餐廳」嘅姊妹店，店內以本地極罕見嘅印度菜為主打，菜式地道而正宗，加上價錢唔貴，值得一試。

延伸閱讀﹕【野餐隨行】逾20cm超長爆餡烤餅卷！高水準正宗印度菜毗連東涌炮台登無人遊樂場野餐

日本菜

初見

而「初見」原店正正位於荃灣海壩街，目前於旺角都設有分店，該店以石燒牛扒為主，可以自己動手燒，該店香草吉列牛扒睇得又食得。

延伸閱讀﹕荃灣香草吉列石燒牛外脆內軟 $35即升級套餐

拉麵台風

「台風」拉麵店來自日本，口味地道，於荃灣、旺角及灣仔都有分店，其中荃灣店及旺角店亦不時大排長龍，荃灣店「拉麵台風」水準比其他分店高，故人流亦比較多。

東京街

至於「東京街」，則為一間知名日本料理店，售賣壽司、丼飯，荃灣店位處荃新天地二期全新美食廣場「一門町」內，價格相宜。

延伸閱讀﹕厚切魚生款式眾多太子日式丼飯外賣店離始創僅1分鐘步程

松板日本料理

荃灣西一帶小店唔多，而海濱花園內有兩間小店，其中一間係「松板日本料理」，該店雖然鄰近海濱花園商場呢個死場，亦水準平平，但勝在價格親民，主打日式丼飯，為附近街坊提供一個美食點。

延伸閱讀﹕荃灣海濱花園街坊日料店親民價丼飯鄰近死場

Hustle Guy

同樣位於荃灣海濱花園一帶嘅「Hustle Guy」，以漢堡包、意粉、薄餅等為主打，位於海濱花園商場呢個死場附近，而且座落平台範圍內，一般人未必會留意到。

牛繁一人燒肉

而「牛繁一人燒肉」，於旺角及荃灣都有分店，該店均以平價一人燒肉為主打，可以自己動手燒，最平一份套餐低至48蚊，CP 值高。

延伸閱讀﹕旺角新開過江龍一人燒肉店近朗豪坊最平$48抵過食茶記CP值高

秘

而全港擁有4間分店嘅「秘」，同樣係一間石燒牛扒專門店，荃灣店座落於享成街，價格人均大概100蚊左右，亦可以接受，而可燒牛扒質素亦不俗。

延伸閱讀﹕全港4間分店！石燒牛自己動手燒元朗秘店真係有神秘感？

章魚燒大師

而「章魚燒大師」則為一間日式小食店，於多區都有分店，荃灣店目前位於美食小店眾多嘅路德圍範圍內，交通便捷，大家亦可以逐間掃街。

延伸閱讀﹕近巴倫紐戲院！帶你屯門掃街遊 Gogo Mall Food Court 尋覓3間良心食店

一生懸麵

「一生懸麵」都係本地其中一間擁有多間分店嘅拉麵店，雖然質素平平，但價格相宜，店內以豚骨魚介湯底為主，可以挑選拉麵及沾麵。

沖繩二段料理

「Antoshimo Cafe & Bakery」主打沖繩二段料理，店內有唔少日式料理可以選擇，不過當中最特別嘅係入口煙煙韌韌嘅波波冬甩，既可以打卡，亦甜度十足。

延伸閱讀﹕【區區有小店】鑽石山美食巡禮2023！小區推介3間尚存本土餐廳！

台灣菜

ET鹽水雞

至於同樣分店眾多嘅「台灣ET鹽水雞」，大多數都只有外賣供應，而荃灣店則位於華都中心商場內，縱然質素平平，依然吸引唔少人支持。

嘗茶

茶星人

而「茶星人」都係擁有多間分店嘅小店，該店以台式手搖飲品為主，同樣質素平平，但依然有唔少人朝聖，荃灣店位於富華中心內。

花斑茶社

而「花斑茶社」則係一間開設多年嘅台式手搖飲品店，大多分店近年依然屹立不搖，或者係因為該店已經常成為明星應援店，客源充足。

延伸閱讀﹕新蒲崗茶飲本土味濃厚鮮奶配抺茶勁甘香

迷客夏

台灣手搖飲品店多年來於本地一直甚受港人歡迎，其中「迷客夏」亦係一間人氣茶飲店，該店主打係鮮奶系列，而荃灣店則位處如心廣場內。

李圓圓

而「李圓圓」亦係另一間受歡迎嘅台灣手搖飲品專門店，荃灣店位於荃新天地二期嘅全新美食廣場一門町，該店亦價格相宜，茶像水準不錯。

清玉

「清玉」亦係一間台式手搖飲品專門店，主打係手調原味茶，最特別之處係檸檬系列嘅飲品，該店茶飲較為清爽及消暑，而荃灣店就位於路德圍內。

616牛肉火鍋專門店

至於「616牛肉火鍋專門店」，分店眾多，荃灣店位於安安大樓內，屬地舖模式，其實該店與深圳「八合里牛肉火鍋」無異，扣除車費及時間成本，其實一樣。

中式

蒸廬

原店位於沙田石門嘅「蒸廬」，現時於荃灣都有分店，該台主打中式點心，質素不過不失，所以唔需要一定去酒樓食點心，而該店荷葉飯同燉湯會比較值得一試。

延伸閱讀﹕沙田石門點心店燉湯試伏荷葉飯一盅兩件又抵唔抵食？

上海美味一品香菜館

「上海美味一品香菜館」係荃灣區內一間隱藏嘅排隊店，雖然外間無乜太多人認識，但該店人流偏偏一個接一個，編輯覺得該店係一間數一數二嘅上海菜館，相當地道。

延伸閱讀﹕荃灣隱藏級人龍店？懷舊上海菜館主打小籠包酸辣湯啖啖有層次

老馮茶居

而「老馮茶居」亦係另一間荃灣區內嘅飲茶、食點心嘅好地方，雖然點心質素平平，但價格適中，至少好過去酒樓，該店其實一款砵仔蒸飯比點心有水準，好多檯客人都會點選呢款菜式。

延伸閱讀﹕全港3間分店！復古裝潢還原屋邨走廊賣懷舊點心老馮茶居不如用一款點心單飛？

港式

小廚美食

靜靜地躲藏於荃灣昌寧商場嘅「小廚美食」多年來一直屹立不搖，該店只係好簡單地售賣各式港式小食，依然吸引一眾街坊及學生哥支持。

延伸閱讀﹕荃灣昌寧商場家庭式小食

光榮冰室

而荃灣店「光榮冰室」位置靠近素食車仔麵店「素悅軒」，係本地一間為人熟悉嘅港式茶餐廳，即使水準平平，依然人流滿滿。

德發粥品專家

如果於荃灣區內想食粥，「德發粥品專家」及「德發龍粥店」兩間姊妹店都係首選小店，該店於荃灣屹立多年，粥品價格實惠。以前該店係食完先俾錢，但現時改為先俾錢後用餐。

延伸閱讀﹕【區區有小店】全港11間本土粥品大搜查大埔最老粥店屹立73年荃灣最平艇仔粥僅賣$16

楚撚記大排檔

「楚撚記大排檔」係本地近年一間受歡迎嘅新式大排檔，荃灣店就係一間旗艦店，地方偌大，但人流依然眾多，該店連傳統豬油撈飯都有得食。

延伸閱讀﹕荃灣人氣新式大排檔旗艦店與時並進改良舊餸菜吸斯文客人？

壹盅湯

香港現代人比較少自己煲湯，故坊間都有唔少湯水專門店，其中荃灣有一間「壹盅湯」，一方面既有燉湯及滋補湯水，另一方面亦係飯餐可擇。

延伸閱讀﹕【野餐隨行】荃灣街市外賣花膠鮑魚仔足料燉湯 $68龍躉魚腩荷葉蒸飯海濱公園雨中野餐好地方

一意點心燉湯專門店

荃灣區內另一間燉湯專門店為「一意點心燉湯專門店」，原店係位於葵涌，現時荃灣都有分店，以多款燉湯及蒸飯為主，款式眾多，更有點心可以選擇。

延伸閱讀﹕葵涌點心燉湯專門店同區2間分店！10款足料燉湯+11款黏軟蒸飯任揀

阿玉豆腐花

「阿玉豆腐花」於多區都有分店，而荃灣店就係最為人熟悉嘅一間，皆因荃灣店位於路德圍範圍內，旁邊有一間同該店鬥平嘅豆腐花店，甚至想用平1蚊嘅價錢頂走「阿玉豆腐花」，希望大家排啱隊，唔好再排隔離嗰間。

江湖小棧

「江湖小棧」係荃灣區一間人氣小店，位於鱟地坊內，無論午餐定晚餐，經常都人流滿滿，大排長龍，想食都唔容易，該店甚至有煲仔飯可擇。

桜

而以日本字「桜」為題嘅手卷專門店，同時有賣壽司、丼飯，只係以手卷為主，荃灣店位於路德圍範圍內，價格低廉，甚受學生歡迎。

享樂烘焙

而「享樂烘焙」原店位於新蒲崗、九龍灣等工業區，該店以麵包、蛋糕等為主，特別之處重有人氣十足嘅bagel貝果、鬆餅等，荃灣店位於街市街內。

燒賣皇后妙舒

而「燒賣皇后妙舒」亦位於聚集大量小店嘅荃灣路德圍範圍內，該店分店不少，以港式小食為主，當然燒賣係必食嘅小食之一。

延伸閱讀﹕元朗起家燒賣皇后進駐紅磡大大粒燒賣足料又飽滿

小方糖甜品

重有一間位於荃灣路德圍嘅小店，係「小方糖甜品，該店於其他地區都有分店，內有中西式甜品及糖水，價格相宜，適合作飯後甜品。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊