分類: 兩個人醫吓肚

【#轉型車仔麵】中環有間以中餐為主打嘅「德哥廚房」，質素可見一斑，受到唔少該區市民歡迎，今年新年後該店就轉移陣地，搬到鴨脷洲小島內。而鴨脷洲店就以「德哥麵」命名，直接轉型做車仔麵，到底有邊款小食係拍拖兩個人不得不試呢？

【#涼茶變甜品】雖然而家好多人比舊時提早食飯，食店同商店都提早閂門，但其實依然有唔少小店營業至凌晨，可以拍拖兩個人去sweet完先返屋企。今次E.A.Two去到深水埗，發覺當中有一間CP值頗高嘅甜品店，原來係來自於一間懷舊涼茶舖！

【#香港蛇羹】秋風起，除咗食大閘蟹，唔少得嘅係拍拖兩個人食蛇。蛇羹向來係秋冬必食嘅菜式，皆因可以令個人暖笠笠，抵抗寒冷天氣。不過，香港本土蛇羹店選擇本少，今次E.A.Two就前往一間於西環屹立有超過40年嘅蛇羹店，算係好少有嘅香港人蛇羹小店。

【#街坊拉麵】深水埗餐廳選擇不少，不過目前小店愈來愈少，結業嘅就愈來愈多，單單西九龍中心就減到5隻手指內數得完。而大街上亦有一間間小店可以拍拖兩個人前往，E.A.Two走過深水埗咁多次，食過嘅餐廳都好多，竟然見唔到呢間大街上嘅拉麵店。該店以街坊客為主打，價格經濟實惠，湯底選擇不少。

【#街坊泰國菜】對於香港人嚟講，最能夠於市場上屹立嘅就係維持住街坊價錢嘅餐廳，只不過最難確保嘅係業主唔加租。佐敦吳松街有多間小店可以選擇，E.A.Two目前仍然未食晒，上次就去過一間西餐廳，今次就前往完全相連嘅一間泰國菜餐廳，價格親民，都係拍拖兩個人可以去嘅小店。

【#創意豬扒包】茶餐廳係係好有獨特風格嘅香港特色之一，港式茶餐廳其實唔只係香港人嘅飯堂，唔少旅客都會專程去港式茶記搵食。不過，拍拖兩個人去茶餐廳，可能會畀人感覺太迆，但其實只要搵到賣相同味道兼備嘅經濟選擇，一樣可以係男男女女一齊去食嘅小店。

【#美孚新店】雖然香港近年係出現結業潮，但依然有唔少小店於逆市中開業，非常勇敢，更加值得拍拖兩個人支持。美孚早前就有間咖啡店宣告結業，近日就有間同樣位於該區嘅小店喺原址開設姊妹店，以日式定食為主打，E.A.Two前往呢間新店嘅時候，只係剛剛試業5日！

【#半山快餐店】香港地道美食其實真係值得推廣出去，雖然好多已經消失得無影無蹤，但依然有唔少真港式美食存在。現時好多香港餐廳已經唔再係本土美食，甚至只係扮港式，如果唔同外地旅客講，真係外地旅客們好大可能會誤解咗港式餐廳。E.A.Two今次上行至上環半山一帶，再次前往當中一間樓梯轉角處嘅地道港式快餐店，呢間小店毗鄰一間博物館，適合拍拖兩個人前往，只不過原先嘅靚靚壁畫已經被消失。

【#原汁原味】香港餐廳能夠經營多年唔容易，能夠維持水準更難，灣仔有一間標榜無味精同少油嘅中菜館，連名都講明「原汁原味」，甚至獲得《米芝蓮》星級推介，追求無味精嘅話，不妨拍拖兩個人一試。