自從元朗「豪大大雞排」結業之後，E.A.Two就未有再喺香港食過呢個品牌特許經營店，就算食都係去台北士林夜市總店食。不過，原來觀塘廣場都有間值得拍拖兩個人食嘅「豪大大雞排」分店，到底係咩因由？
雖然全香港有好多同樣叫「豪大大雞排」嘅分店，但其實基本上都係特許經營店，原先旺角直營店已經一早結束營業，而值得香港人前往嘅元朗店亦於近年結業。原來E.A.Two一直走漏眼，觀塘廣場都有一間值得前往嘅「豪大大雞排」分店，該店曾經同石門「壹茶」有聯乘合作。
該店2019年已經開業，細心留意觀塘廣場「豪大大雞排」嘅marketing，唔計「雞排一律不切」，發覺該店其他地方都極似台灣人做，social media用字似台灣風格，店面設計都似台灣店，因為好多台灣當地嘅店舖都係特別鍾意擺部電視播放相關影片宣傳，又有台灣淡水快車肉乾宣傳。
點解E.A.Two突然間會留意到呢間分店？原因就係threads突然有人大推該店嘅最新小食，叫做芝士波波或朱古力波波。新出呢款芝士／朱古力波波每六粒賣$28，可以雙款口味配搭，都係煙韌類別。不過我哋對於波波無乜太大興趣，呢款小食留返畀大家，我哋食雞排得啦！
除咗芝士朱古力波波，店內都有其他小食，例如紅糖麻糬$30六條、麻辣雞塊$40五塊、蒜香雞塊$28、炸奶卷$25四條、炸生蠔$30五粒，而當日最快售罄嘅竟然係墨魚餅$28三塊，而唔係網絡人氣大熱嘅波波小食。
同其他分店一樣，大雞排$40、輕量雞排$30，炸雞類都有香香雞$30至$40、雞翼$15隻、椒鹽雞塊$40五塊、香辣脆骨$30。E.A.Two上手時覺得非常意外，無諗過香港食「豪大大雞排」都可以有咁大塊炸雞排，因為就算同一個牌頭，出品都會唔一樣。
觀塘廣場嘅「豪大大炸雞」炸雞排有可能係最接近台灣店嘅炸雞排，不論size定味道都有驚艷感覺。上手熱焫焫，表皮酥脆可口，炸皮偏薄，唔會好油膩。而且炸雞排唔會咁易皮肉分離，胡椒鹽調味都係相似，撒得均勻，食到底都係鹹香入骨。
炸雞排厚度都相近，當然無台灣咁厚同軟腍﹐始終都係無咁厚。唯一最唔同嘅地方就係雞肉質感，呢點去任何香港店應該都好難食到雞味同台灣雞嘅軟嫩感，只係呢間算係唔乾柴嘅一間。
E.A.Tips :
❷ 觀塘廣場正門一入去就會見到喺左邊，正對馬會。
❸ 呢間豪大大雞排不時有唔少新款小食。
❹ 觀塘廣場呢間豪大大雞排人流有機會較多，等待時間至少要5至10分鐘。
豪大大雞排
觀塘開源道68號觀塘廣場地下G35號舖
5928 8681
銅鑼灣樓上舖一定要訂位？吳留手居酒屋燒物有驚喜！午市原條粉嫩厚舌芯定食$150有找！
【#老銅居酒屋】如果講銅鑼灣加居酒屋，通常第一時間都係覺得會好貴，就算午市價錢都唔會平，今次E.A.Two就前往「老銅」市區街頭小巷轉角處一間居酒屋，原來係一間樓上舖，午市價錢都算適中，拍拖兩個人去食都係可以接受，不過原來原先需要book位？
【區區有小店之台灣篇2026】全台19間香港人小店！星級牛腩麵／自修室咖啡／雪花冰／港式菠蘿油／媽媽料理
【#台灣香港人2026】近年唔少香港人到外地闖一闖，台灣就係其中一個聚集香港人嘅國家，甚至有唔少香港人經營嘅食肆，拍拖兩個人去台灣嘅時候不妨去支持一下啦！以下係全台灣由本土香港人開嘅餐廳同店舖，由台北到宜蘭，台中到高雄，都有近20間小店可以選擇。
【區區有小店之全港廢水地圖2026！41間本土茶飲＋4間台灣直營店一覽！翡翠檸檬茶／蜜柑烏龍／珍珠奶茶／椰子汁／五花茶／純果茶手搖飲品！
【#香港茶飲2026】台灣有好多手搖飲品店，自從珍珠奶茶打入香港市場之後，本地愈來愈多茶飲店，唔少香港人都逐漸習慣拍拖兩個人出街人手一杯。雖然全盛期香港有海量茶飲店，但隨住結業潮湧現，茶飲店都少不免一間又一間結束營業。不過，目前依然營業嘅茶飲店都唔少，而唔少年輕人更改稱茶飲為廢水，呢個詞語近年流行於香港同澳門。E.A.Two今次又再整理本地嘅茶飲店地圖，重有幾間係台灣直營嘅手搖飲料店，到底有幾多間呢？台灣直營固然係有水準保證，但希望大家首選係本地出品嘅茶飲店啦！
【區區有小店2026】將軍澳、康城、坑口、寶林、調景嶺31間尚存餐廳美食！手打魚蛋粉／港式糖水舖／鮮果茶／藍芝士蘋果薄餅
【#將軍澳美食2026】一年又過去，香港小店買少見少，E.A.Two繼續為香港人搜羅仍舊隱身香港、默默經營嘅地道小店，小店選擇眾多，兩個人出街拍拖可以慢慢揀。每間食肆都有優點同缺點，真正避免中伏唔係跳走，而係要知道邊度好邊度差。好食嘅就去食多啲，唔好食唔好逼自己食。到今時今日，香港依然係自己小店自己撐！呢篇係將軍澳、康城、寶林、調景嶺、坑口篇﹕
【區區有小店2026】九龍灣19間尚存餐廳美食！地道大排檔／隱藏無骨炸雞／$5件壽司
【#九龍灣美食2026】一年又過去，香港小店買少見少，E.A.Two繼續為香港人搜羅仍舊隱身香港、默默經營嘅地道小店，小店選擇眾多，兩個人出街拍拖可以慢慢揀。每間食肆都有優點同缺點，真正避免中伏唔係跳走，而係要知道邊度好邊度差。好食嘅就去食多啲，唔好食唔好逼自己食。到今時今日，香港依然係自己小店自己撐！呢篇係九龍灣篇﹕
【區區有小店2026】西灣河4間尚存餐廳美食！甜味西餐／街坊茶記／黃金雞飯
【#西灣河美食2026】一年又過去，香港小店買少見少，E.A.Two繼續為香港人搜羅仍舊隱身香港、默默經營嘅地道小店，小店選擇眾多，兩個人出街拍拖可以慢慢揀。每間食肆都有優點同缺點，真正避免中伏唔係跳走，而係要知道邊度好邊度差。好食嘅就去食多啲，唔好食唔好逼自己食。到今時今日，香港依然係自己小店自己撐！呢篇係西灣河篇﹕
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。