信和隔離！旺角樓上咖啡店舖滿土耳其民族風Halı 摩洛哥彩繪玻璃吊燈搶眼任打卡
【#穿越土耳其】旺角信和中心隔離又有一間以土耳其民族風為主題嘅咖啡店，室內外裝潢充滿異國情調，包含毛毯、玻璃吊燈等，又係一間讓少女任意打卡嘅Cafe，帶有幾分波西米亞風情，上年尾開業至今仍然受歡迎，食物既有一般Cafe會有嘅蛋糕、小食，亦有酒吧必備嘅Cocktail，當作一個本地偽旅行亦未嘗不可。
分類: Cafe 咖啡店
Cafe Hopping 係近期網絡開始熱門嘅詞彙，其實即係代表一連去幾間咖啡店嘅意思，去完一間之後接住去另一間歎咖啡，有如Hopping，從一間跳到另一間，等同Island Hopping般跳島，由一個島跳到另一個島。
太子樓上悠閒咖啡室神秘蒲點 超驚喜法式肉凍+煙韌麻糬窩夫
【#樓上cafe】身處太子繁華鬧市，要找尋平靜空間稍有困難，難以估到新世紀廣場旁邊隱藏一間悠閒樓上咖啡室，以有水準嘅意式、法式料理為主打，而下午茶環境更清靜，都算係區內一個神秘蒲點。
深井村西式咖啡店只限7月？All Day Breakfast 配料自選 罕見櫻花蝦炒蛋+熱香餅有新鮮感
【#7月咖啡】深井向來係一個無目的地唔會去嘅地方，大多數人都覺得交通不便，事實上幾條巴士路線可以直達；而提到深井，唔少人第一時間只諗到食燒鵝，的確燒鵝係最出名嘅食店，不過深井又豈止可以食燒鵝，唔少文青咖啡店都開到深井啦！
九十後部落觀塘新分店開業 懶人週末悠閒上樓歎All Day Breakfast
【#觀塘新店】名為「90s Lazy」的樓上Cafe，一年前於旺角開業，受到年輕人歡迎，官方金句 「 懶惰，大概是九十後的通病 」引起共鳴，最近於觀塘開設分店，選址觀塘工業區，更方便年輕情侶拍拖兩個人去迤吓。
【區區有小店】葵芳3間隱藏咖啡店 隨時放慢腳步飲杯Coffee
葵芳並唔係一個只有葵涌廣場嘅地方，吓吓立食、快食感覺節奏太急速，倒不如拍拖兩個人去慢食Chill返吓，當中葵芳區內就隱藏咗3間咖啡店，可以週末去飲返杯咖啡呀！
深水埗低調跑友部落結合跑緣 超健康「飛毛腿」醫肚兼學養生跑
【#跑友聚落】深水埗於上年曾入選為外國雜誌《Time Out》公佈嘅2020年「全球 40 個最型格社區」排行榜三甲，社區內食物、生活、文化、藝術、社區精神等都備受表揚，事實上深水埗係一個歷史悠久小社區，大街小巷融合新舊文化，加上大多數為草根階層，連餐廳都一間比一間貼地。區內就有一間以跑步為題嘅餐廳，食物健康，深受一眾跑友歡迎，老闆為一個基督教牧師，將健康食物同跑步、信仰融合，又不時教客人養生跑，非常有意思。
即興飲杯嘢！深水埗街角尋寶 驚現全區唯一24小時營業咖啡店
【#便利咖啡店】提到飲杯嘢，自然聯想到唔係飲酒就飲咖啡，而呢句嘢通常都係興之所至而講，酒吧無錯係飲杯嘢嘅好地方，可以一邊飲酒、一邊傾吓偈，但又未必個個都想飲酒，呢個時候就要搵吓有咩地方可以飲吓嘢啦！深水埗一個街角就隱藏一間開足24小時嘅咖啡店，保證隨時想去飲嘢就飲嘢，適合夜貓子拍拖情侶。
深水埗大南街咖啡店共享空間 設計藝廊真係值得睇？
【#文青部落】深水埗有好多咖啡店，當中呢間就既係Cafe，招牌唔明顯，推開玻璃門會發現同時係書店、藝術展覽，店內樓高兩層，以複式設計，原來前身的確係一個複合空間，現時不時有藝術活動、工作坊，吸引唔少文青慕名而至，本應係一個拍拖兩個人嘅迆住過週末嘅好地方。
錦田高埔村天空之城離市中心僅1公里 No Boundary姊妹店HOLA Chill住歎加料厚多士
【#遠離市區】元朗錦田向來隱藏多間值得本地人去試吓嘅餐廳，今次編輯走到離市中心約15分鐘嘅天空之城，發現一間可以幫襯嘅露天餐廳，既有戶外座位，亦有室內冷氣間，以英國菜為主打，亦係一間歡迎貓貓狗狗嘅餐廳，雖然位置稍為偏遠，但兩個人亦可以試一試。