旺角黑布街冷泡養生茶 健康無糖夏天極解渴

話明黑布小巷，當然係位處旺角黑布街啦，上年10月先開張嘅小店，主打台式小食同茶飲，特別係台式肉蛋吐司同三色圓，仲有各類養生茶都係值得試嘅茶飲，最啱熱辣辣嘅夏天飲用。

小店有好多養生茶可供選擇，菊花杞子苦瓜茶 $28 係其中之一，包含貢菊、甜菊葉、杞子、苦瓜乾，可以清肝明目、改善黑眼圈，適合熬夜人士、眼乾、長期使用電話同電腦嘅人。

冷泡養生茶一般以台灣茶葉低溫沖泡8hours，無添加防腐劑之餘，亦無糖，好健康。茶底更甘香，無咗陣苦澀味，順滑易入口，夏天拍拖行街容易口渴，兩個人每人買返支的確超解渴。

小店雖然位處冷巷，但衛生環境不俗，有少量堂食位置，亦可以叫外賣，不過疫症期間都係建議盡量外賣啦！

交通﹕由登打士街行過去，腳程5分鐘內。

延伸閱讀﹕油蔴地雙層咖啡店勁寫意 珍寶牛角包啖啖牛油香

黑布小巷

Δ 版權為E.A.Two 兩個人醫吓肚所有，歡迎轉貼連結，勿全篇文章轉載

Δ 如果覺得我哋嘅介紹啱睇，就Like吓我哋Facebook / Follow吓我哋Instagram啦！