Liberty Coffee & Wine

油蔴地雙層咖啡店勁寫意 珍寶牛角包啖啖牛油香



    [sp_html5video category=”1875″]

    位處油蔴地嘅小型咖啡店,名字以「Liberty(自由)」命名,雖然近馬路邊,但室內環境不俗,All Day Breakfast全日供應之餘,最吸睛係珍寶牛角包!

    呢間咖啡店位置近旺角同油蔴地鬧市,而且靠近窩打老道,本來對環境不存有希望,但踏入門口,發覺室內樓底極高,毫不侷促,而且分為上、下兩層,下層以半開放式設計,門口旁邊有一個小窗台,兩個人可以去打吓卡。至於上層閣樓環境就比較舒服同寫意,可以傾吓偈,可以居高臨下望到水晶吊燈同下層環境。裝潢則採歐陸式風格,感覺似係一間隱藏於大馬路嘅小型咖啡店,喺鬧市可以搵到片刻寧靜,最啱周末拍拖歎返個Brunch。

    抗疫期間,小店會先為每位客人量度體溫,保障安全,同時提供紙袋俾大家存放口罩,更有消毒用品提供,餐具亦放置盒內存放好,而且好遵守限聚令,每張枱都保持1.5米距離,兼用膠片分隔,絕對可以食得放心。

    英式早餐 Classic London $98 假期瞓晏啲一樣有得歎All Day Breakfast,材料好豐富,有煙肉、迷你牛角包、腸仔、蕃茄、磨菇、薯餅,仲有黑松露炒蛋,Truffle份量唔多,入口味道唔算好濃郁,感覺只係稍微點綴吓,反而薯餅炸得幾好,金黃色表皮好香脆,影完相入口仲熱辣辣,入面薯蓉好綿密,仲有顆粒感,入口似隔離連鎖店嘅薯餅早餐,比連鎖店更出色。

    Mini Lobster Croissant 龍蝦沙律牛角 $78 珍寶牛角包絕對值得一試,比All Day Breakfast嘅迷你牛角包Size大幾倍,份量上超滿足!兩者烘焙味都十足,牛角包入口有啖啖牛油香味,表皮鬆脆,層層分明。牛角包新鮮焗製,味道特別香濃,建議盡快食用,避免放得耐淋晒。餡料加入咗迷你龍蝦沙律,牛角包本身熱辣辣,龍蝦沙律則凍冰冰,沙律菜爽脆感配上爽口龍蝦肉,加上酥脆牛角包,層次感勁豐富。

    Cappuccino 泡沫咖啡 $36 今次主要食牛角包,歎杯咖啡絕對係最夾!咖啡面有拉花裝飾,咖啡杯以粉紅色為主,亦可以打卡。而咖啡亦甚香濃,些微苦澀味嘅咖啡香味令人好醒神。

    Avo – Cucum Bee 蜂果 $68 而呢杯係一杯Smoothie,內含有牛油果、青瓜同蜜糖,入口勁清爽,將清甜嘅牛油果連同爽脆嘅青瓜攪拌,再加上帶有微微香甜味嘅蜜糖,牛油果質感仍然勁綿密,青瓜攪碎後溶於牛油果蓉內,飲落無青瓜粒粒,但有青瓜本身嘅清新感,牛油果蓉更加幼細,絕對係一杯驚喜嘅消閒飲品!

    延伸閱讀﹕台式風格早餐店 油蔴地小巷超厚蛋吐司

    延伸閱讀﹕旺角唐樓隱藏樓上Cafe 姊妹Gathering好地方

    延伸閱讀﹕Harry Potter迷你主題Cafe 9 3/4月台活靈活現

    延伸閱讀﹕登打士廣場樓上Cafe Gathering之選

    延伸閱讀﹕油蔴地紅磚屋鬧市打卡 20年前係一級歷史建築

    e.a.tips
    (1)醫護員、學生、消防員全場正價有9折優惠。
    (2)夜晚會有Cocktail提供,食完飯想飲吓嘢不妨去支持吓小店啦!
     

    Liberty Coffee & Wine

    地址﹕ 油麻地窩打老道33號翠園大廈地舖
    營業時間﹕ 星期一至四 10:30 – 23:00;
    星期五至六 10:30 – 00:00;
    星期日及公眾假期 10:30 – 23:00;公眾假期前夕 10:30 – 23:45
    電話﹕ 9346 3698

    Δ 版權為E.A.Two 兩個人醫吓肚所有,歡迎轉貼連結,勿全篇文章轉載

    Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


    在〈油蔴地雙層咖啡店勁寫意 珍寶牛角包啖啖牛油香〉中有 13 則留言

    1. 自動引用通知: 經典紅白湯 白色﹕膠原蛋白養顏美容鍋 紅色﹕滋補養生香辣鍋 - 美滋鍋 | eatwo 兩個人醫吓肚

    2. 自動引用通知: 油蔴地紅磚屋鬧市打卡 20年前係一級歷史建築 | eatwo 兩個人醫吓肚

    3. 自動引用通知: 旺角砵蘭街茶記轉做石燒牛? 新鮮蒜汁夠香濃 | eatwo 兩個人醫吓肚

    4. 自動引用通知: 平食自助餐! 普慶餐廳半自助甜品Buffet $120任食10款Mövenpick雪糕 | eatwo 兩個人醫吓肚

    5. 自動引用通知: 《暖男爸爸》取景地 古蹟地有來頭 實試ODEA法式庭園果香下午茶 | eatwo 兩個人醫吓肚

    6. 自動引用通知: 旺角黑布街冷泡養生茶 健康無糖夏天極解渴 | eatwo 兩個人醫吓肚

    7. 自動引用通知: 點心界KOL? 本地人爭食招牌牛肉點心 女人街一盅兩件好過去酒樓 | eatwo 兩個人醫吓肚

    8. 自動引用通知: 旺角唐樓隱藏樓上Cafe 姊妹Gathering好地方 – eatwo 兩個人醫吓肚

    9. 自動引用通知: Harry Potter迷你主題Cafe 9 3/4月台活靈活現 – eatwo 兩個人醫吓肚

    10. 自動引用通知: 登打士廣場樓上Cafe Gathering之選 – eatwo 兩個人醫吓肚

    11. 自動引用通知: 旺角鬧市居酒屋 必試惹味燒物炸物 – eatwo 兩個人醫吓肚

    12. 自動引用通知: 【3低本地遊】油麻地激厚蛋吐司早餐/石燒牛晚餐 上空中花園兼漫遊紅磚屋打卡 – eatwo 兩個人醫吓肚

    13. 自動引用通知: 旺角登打士街車仔麵 罕見胡椒湯底土 – eatwo 兩個人醫吓肚

    留言功能已關閉。