大貴灣公園沙灘韆鞦

長洲避人流!樹下藏韆鞦 離島人先知道嘅秘密沙灘

[sig_post_pv label=””] 個人瀏覽過



去長洲只識去東灣海灘?每個星期,長洲東灣海灘都聚集人群,即使疫情期間亦不能倖免,海灘人頭湧湧,想抖抖氣都困難。今次小編為大家推介長洲內一個人流極少嘅沙灘,但清靜得多,而且仲有一個超神秘嘅浪漫打卡位,絕對值得情侶拍拖遊覽!

長洲除咗東灣海灘、觀音灣海灘,仲有一個隱密沙灘叫大貴灣沙灘,距離東灣只係約10至15分鐘路程,由渡輪碼頭向西北面行,即沿海岸線左面行走,沿路會經過北帝廟、長洲排廠路休憩處、小貴灣、長貴邨、大貴灣新邨,位置雖然稍偏,亦係比較少人會行嘅路線,但去到就知值得一遊。中段會見到海邊更有一道似足雞蛋仔嘅石仔路,狀甚有趣。

大貴灣公園設施有燒烤爐同涼亭,向上行會有一座呈六角形嘅同裕亭,紀念羅森文先生對長洲嘅貢獻,其家族由清代起曾經營蝦膏業。而大貴灣公園對落就係沙灘,公園內有木製涼亭,比一般涼亭比較近大自然。公園、沙灘景觀遼闊,不單可望海天一色靚景,黃昏時更可睇埋超壯觀嘅鹹蛋黃,行落了無人煙嘅沙灘,海風吹拂更舒爽。

聽海浪聲、望海景,感受迎風感覺,仲可以眺望芝麻灣半島,於大貴灣沙灘抖抖氣,比去東灣海灘更Chill!而大貴灣沙灘大多為外籍客或長洲居民,人流稀少,屬於真正可以避過假日沙灘人潮嘅地方,可以兩個人散吓步,天氣晴朗時去沙灘玩樂都幾爽吓。

延伸閱讀﹕【2021賞花地圖】30分鐘船程穿越日本! 走訪日式鳥居兼神社繪馬打卡 一棵棵桃紅櫻花艷絕長洲

E.A.Tips﹕

(1)最好先喺長洲市中心醫吓肚先去沙灘,因為沙灘附近基本無咩補給地方。

(2)只要喺Google search「大貴灣公園」,大概行10至15分鐘即達。

(3)謹記保持沙灘清潔,唔好亂拋垃圾同污染海灘。

(4)韆鞦位置近沙灘盡頭,涼亭對落會見到,不過只能夠經沙灘行過去,所以帶備拖鞋都係比較方便。

(5)大貴灣韆鞦比沙灣徑韆鞦更少人,不過都有機會要排隊,黃昏時間拍攝韆鞦會更好。

(6)韆鞦架僅以木同繩索製,需要小心安全,唔好大力搖晃。

(7)沿途可能會有唔少野狗,記得留意同小心安全。

(8)可以選擇踩單車入去,會比行路更方便。

延伸閱讀﹕長洲小店到此一遊 到底係台式定港式?

延伸閱讀﹕長洲高空觀景文青遊 登小長城睇怪石抖抖氣

延伸閱讀﹕下一站長洲!長洲角酪網紅人氣店 鐵路牆打卡唔使怕封站

延伸閱讀﹕賣飾物嘅木系文青咖啡店 長洲島中坊研歎小清新Brunch

大貴灣公園

長洲長貴路9號號桂濤花園 29A,29B
24hours

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!