葵芳大排檔金鍋燒 主打熱辣辣串燒/雜錦煲

曾經去親葵芳都係去葵涌廣場，不如行吓葵廣後面嘅舖頭啦，葵芳圍有好幾間值得試吓嘅良心店，美芳街除咗有一間喇沙店，仲有呢間幾有大排檔風味嘅食店，主打串燒、雞煲、烤魚、雜錦煲。

據悉，串燒係招牌貨色，唔少網民讚香口惹味，不過今次小編肚餓要食個晚餐，由於雞煲、烤魚、雜錦煲都係網民稱為招牌嘅菜式，所以試一份麻辣鯇魚煲 $58。

外賣都熱辣辣，若30mins內就唔使翻熱，整份鯇魚煲份量充足，驟眼睇幾抵食。雖然係麻辣，但辣度唔算重，有輕微麻辣味，容易入口。鯇魚一半多骨，一半軟嫩無骨，煲內有好多配料，紅椒、菜、蔥、乾蔥、腐竹、豆腐、辣椒等，當中乾蔥又甜又爽脆。

兩個人食又得，一個人食又得！

延伸閱讀﹕葵芳隱密小街超抵叻沙店 金黃湯底濃稠可口椰香味重

延伸閱讀﹕葵芳新開張日料店抵食便當 肥美原條鰻魚CP值極高

延伸閱讀﹕葵芳薑主題飯麵有幾薑？ 薑味飲品堅夠薑

E.A.Tips﹕

（1）菜式需時，等候時間比葵廣小食耐。
（2）門口有幾隻小貓喺籠中，小貓係幾吸睛嘅。

金鍋燒

地址﹕葵芳信芳街22號美寧大廈地下1B號舖
電話﹕2428 3868

Δ 版權為E.A.Two 兩個人醫吓肚所有，歡迎轉貼連結，勿全篇文章轉載

Δ 如果覺得我哋嘅介紹啱睇，就Like吓我哋Facebook / Follow吓我哋Instagram啦！