行完皇后山印度廟,返到粉嶺市中心不妨行埋蝴蝶山,路段全為水泥路,簡單易行,只有部份路段比較陡峭。蝴蝶山徑既可行到大埔林村,亦可隨時從中段折返或轉到粉錦公路離開,時間可以自由控制,適合兩個人周末行吓山。
從山腳蓬瀛仙館附近蝴蝶山徑可直上上蝴蝶山,蝴蝶山僅高約50米,係晨運客經常晨運路段,山腳有蝴蝶山村,路段主要都係上落樓梯同斜坡,雖然綠樹成蔭,水泥路平坦易行亦唔太困難,而且有欄杆,但部份路段仍需要少量個人體力。
由蝴蝶山腳沿上山小路行,不時見到健身徑、遊樂場,方便晨運。大概30分鐘至1小時一直行到瞭望台,靠近箕勒仔,可以從高空俯瞰粉嶺同新界北部風景,亦可眺望古洞、新田,甚至對岸深圳落馬洲。
一直有清晰指示牌 中段有個太極標誌 觀景亭
據悉,蝴蝶山山頭不時真係有蝴蝶喺空中飛舞,吸引唔少山友觀賞,但需要花時間捕捉,而且睇唔睇到蝴蝶要睇吓自己運氣啦!
之後可以選擇行去牛牯嶺行山徑或北大刀屻,前者左轉可以行去大埔林村,後者右轉則可以行去營盤、粉錦公路方向,有時間有體力仲可以行埋上去大刀屻,大概要再多2至3小時。由北大刀屻落山,可以離開行到營盤、粉錦公路,望營盤同和合石,大概同粉嶺上瞭望台差唔多時間,全程僅約1.5至2小時。
E.A.Tips﹕
(1)只需乘搭巴士到粉嶺,穿過隧道即達蝴蝶山山腳,腳程約10分鐘,起點位置有田心休憩處,旁邊有停車場,揸車去都可以泊車。
(2)從粉嶺市中心可以從任何一個起點上山,包括蓬瀛仙館停車場旁嘅晨運徑、華明路畫眉徑、聖芳濟各書院附近嘅山徑,只係輕鬆行山就建議從蓬瀛仙館旁邊山徑上山。
(3)要愛護環境,記得自己垃圾自己帶走!
(4)最好帶備充足糧食同食水,避免中暑;同時帶備防曬、防蚊用品。
(5)向營盤方向落山嘅話,可直接出粉錦公路,乘搭77K巴士或57K小巴,兩邊方向分別去上水或元朗,亦有紅Van可以直達元朗,時間較短,但人均需$11。
自動引用通知: 皇后山隨時行足2小時? 教你2分鐘去到印度廟 | eatwo 兩個人醫吓肚
自動引用通知: 粉嶺聯和墟平價泰國菜 必食超濃船河湯底牛湯粉 | eatwo 兩個人醫吓肚
自動引用通知: 沙頭角邊境遊! 賞紅樹林/蘆葦花田/童話村夢幻場景 一文輕鬆遊走鹿頸鳳坑谷埔 | eatwo 兩個人醫吓肚
自動引用通知: 綠意盎然 流水潺潺 「香港小桂林」流水響水塘最啱野餐露營 – eatwo 兩個人醫吓肚
自動引用通知: 粉嶺川味米線啖啖魚肉 碗碗辣湯有水準 – eatwo 兩個人醫吓肚
自動引用通知: 大埔近30年滷水專門店 $58街坊價食滷水獅頭鵝 – eatwo 兩個人醫吓肚
自動引用通知: 粉嶺行到林村 攀登北大刀屻林蔭天梯兼電塔底打卡 – eatwo 兩個人醫吓肚
自動引用通知: 【日本偽旅行】粉嶺日系路線遊走日式小屋/純白燈塔 冬季睇變色落羽松 – eatwo 兩個人醫吓肚
自動引用通知: 粉嶺必揀4條低難度行山路線 觀賞古蹟兼無遮擋絕美夕陽靚景 – eatwo 兩個人醫吓肚