南丫島大風車推動環保能源 冀保留風力發電

南丫島好多人都去過，今次小編得少少時間，當日兩個人就只去咗睇南丫島呢個大風車，南丫島大嶺山頭有座大風車，係風力發電站嚟，利用風力發電嘅綠色能源。

呢座大風車高71公尺，免費開放俾公眾，當有風嗰時，扇葉會轉動，扇葉轉動後，會自然儲起電，基本每年可生產100度電，夠250個4人家庭用。外國其實實行風車發電嘅數量至少幾十，香港真係欠缺呢種環保能源。

塔杆底有個mon可睇到現場風力有幾大同發電量幾多，風車發電可減少二氧化碳，唔明香港點解唔用，淨係識賺錢就唔理其他嘢。

以前睇《十萬噸情緣》見到洛杉磯個風車山好靚，雖然知道現場肯定好蒼涼，但覺得一排排巨形風車好壯觀好靚，風力發電呢啲環保能源應該要保留吓。

今次上山路好平坦，勁易行，唔使30mins就上到去，適合拍拖散住步行上去。大風車隔離仲有個休憩小亭，放眼望去睇到遼闊大海，望到華富邨、數碼港、貝沙灣一帶。鍾意影相嘅朋友，影海景同風車真係超靚。

風車旁邊其實有個展覽中心，有發電站歷史，風力發電站由2001年開始計劃，2006年正式使用，佔地2500平方米，發電機達71米。

去程﹕
中環碼頭4號碼頭➡搭船去榕樹灣碼頭➡索罟灣落船 落船沿榕樹灣大街行➡去洪聖爺沙灘方向 ➡行約30mins➡見到南丫警崗十字路口左轉➡行約20mins即達

船程﹕30mins

目的地﹕南丫風采發電站
步程﹕40mins
全長﹕7km
時間﹕1.5hrs

回程﹕原路回程

留意風采發電機收18:00 

延伸閱讀﹕1星難度 5星景觀 東平洲天涯海角風景超高質

延伸閱讀﹕塔門半日遊 舒舒服服去郊遊

延伸閱讀﹕蒲台島睇風化奇岩 湛藍海景吹海風勁Chill

延伸閱讀﹕西貢最美連島沙州 小島風景勁Chill

Δ 版權為E.A.Two 兩個人醫吓肚所有，歡迎轉貼連結，勿全篇文章轉載

Δ 如果覺得我哋嘅介紹啱睇，就Like吓我哋Facebook / Follow吓我哋Instagram啦！