東平洲風景優美,環境清靜,景觀靚到隨手都可以影到靚相。雖然東平洲位置偏遠,而且放眼望過去見到大陸,不過難度只係一星,唔使行得好辛苦,影返嚟嘅相已經好高質,好適合兩個人去拍拖散吓步。
東平洲既有海浪拍打岸邊嘅大自然風景,仲有受海浪侵蝕嘅頁岩,加上沿裂縫風化到棋盤狀嘅岩石,仲有由藍綠藻化石堆砌嘅疊層石,一層又一層,層次豐富,呢啲先係真正請眼睛吃冰淇淋!
由於受風化侵蝕,斷裂嘅山嘴變成天然走廊;而兩層岩石受波浪侵蝕,導致長百幾公尺岩層由山腰延伸入水,呈現三角形狀。另外,仲有兩座樓高兩層海蝕柱,天然形成嘅海蝕平台,通通都係優美嘅天然景觀。
兩個人打卡位﹕
- 海邊岩石
- 小叢林
- 攀石山
- 天然走廊
- 天涯海角
- 從低而拍石山頂
- 從高而拍石山下景
去程﹕
地鐵大學站B出口轉的士去科學園路馬料水渡輪碼頭,再轉乘街渡前往東平洲公眾碼頭
船程﹕1.5hrs
馬料水開出船班次﹕09:00(週六、日及公眾假期) / 15:30PM (週六)
E.A. Tips﹕
1. 東平洲位處香港同中國內地中間,手機網絡會比較弱,去到最好熄咗行動數據網絡功能先。
2. 沿路無補給點,最好帶夠水同食物。
E.A. 路線﹕
一般由沙灘開始行到大塘村,我哋調轉嚟行﹕
碼頭 > 大塘村 > 洲尾 > 斬頸洲 > 龍麟咀 > 龍落水 > 洲背 > 鶴岩頂 > 更樓石/潮池 > 奶頭 > 沙頭 > 沙灘 > 大塘村小食店補給 > 搭船回程
回程
阿媽灣
東坪洲開出:17:15PM (週六、日及公眾假期)
東平洲公眾碼頭搭乘街渡,回程一日得一班船返回馬料水
延伸閱讀﹕塔門半日遊 舒舒服服去郊遊
延伸閱讀﹕西貢最美連島沙州 小島風景勁Chill
延伸閱讀﹕南丫島大風車推動環保能源 冀保留風力發電
在〈1星難度 5星景觀 東平洲天涯海角風景超高質〉中有 5 則留言
留言功能已關閉。