行上蝴蝶山，除咗可以從粉嶺蓬迎仙館旁邊蝴蝶山徑上山，亦可以從另一邊畫眉徑上山，路段近畫眉山。兩條路線都可以直上北大刀屻，路段風景唔算多，影相位亦少，大多被樹林遮蔽，但樓梯就頗多，拍拖兩個人想郁動吓可以由粉嶺行到林村。
大部分市區巴士會經華明邨 可在此下車出發 
準備過對面馬路 
沿路到入口 
道路淺窄卻有車經過, 致行人必需往左或上右邊石階暫避 
可選擇樓梯或斜路直上 
北大刀屻係大刀屻嘅副峰，大概高480米，相比大刀屻已經算輕鬆，北大刀屻位處林村郊野公園內，南邊連接大刀屻，山脊兩側係懸崖或斜坡，似足刀刃向上，所以叫北大刀屻。沿路至山頂可望粉嶺、上山、大埔林村、大埔康樂園等，東北面甚至望和合石墳場同浩園，西南面可去牛牯嶺，南面山坡曾經係駐港英軍修築軍用道路，後來改為牛牯嶺行山徑。
沿路樓梯頗多，但目前路段大多有樹蔭，視線被受遮擋，不過途中可見一座高壓電塔架、電纜線，從電塔底直接拍攝照片，反而有種特別感覺。
攀上二、三百米長長階梯後，不妨於北大刀屻涼亭附近居高臨下俯瞰山下景色，靚景都算係辛苦上山嘅回報，有興趣更可以繼續前行大刀屻，高566米，不過比北大刀屻更需要體力。
從北大刀屻離開，可以挑選經牛牯嶺行山徑行到林村放馬莆村，路段原為軍用馬路，經過此路會見到唔少已荒廢嘅石碑，都屬軍用里程碑。沿路都為下行路段，比較輕鬆，30分鐘可返回林村方向，總算便利。
E.A.Tips﹕
（1）經粉嶺蝴蝶山上山，穿過箕勒仔行到北大刀屻，再沿牛牯嶺行山徑可直達林村放馬莆，然後於林村許願樹附近離開；又或者從林村許願樹作起點，先行牛牯嶺行山徑，再上北大刀屻、箕勒仔，再返回粉嶺蝴蝶山。
（2）路段指示清晰，從粉嶺上山，經北大刀屻樓梯會較多，而從林村上山，路段比較多上斜，上樓梯唔多，中後段大多係落樓梯。
（3）攀登北大刀屻路段比較需要體力，要帶備充足糧水。
（4）要愛護環境，記得自己垃圾自己帶走。
延伸閱讀﹕粉嶺川味米線啖啖魚肉 碗碗辣湯有水準
延伸閱讀﹕蝴蝶山有蝴蝶？ 晨運路線眺新界北風景
延伸閱讀﹕大埔林村神秘溫室綠色空間打卡 異國植物小花園渡假風滿滿
延伸閱讀﹕大埔林村火紅綠色聖誕 Biophilia限時市集打卡兼DIY聖誕樹
延伸閱讀﹕大埔激罕無人沙灘 發掘大自然生態靚景
北大刀屻
新界北部林村郊野公園內 
24hours
在〈粉嶺行到林村 攀登北大刀屻林蔭天梯兼電塔底打卡〉中有 3 則留言
留言功能已關閉。