小編出Job去開尖沙嘴經過呢個位，位置喺正香港歷史博物館對面，估唔到尖沙嘴竟然有靚靚粉紅教堂打卡點，位置喺漆咸道南嘅粉紅教堂， 算係好神秘無乜人留意嘅打卡點。
事實上，呢間係一間玫瑰堂，由尖沙嘴市中心只係幾分鐘步程，真係勁近，適合拍拖去呢個粉紅教堂打吓卡。
呢座玫瑰堂喺1904年落成，係一座天主教堂，由天主教香港教區管理，目前係香港一級歷史建築。玫瑰堂以典型哥德式建築設計，並以羅馬公共會堂為藍本，擴建中廊後呈拉丁十字形，中軸經聖洗池導向祭台後半圓形聖所，代表生命經死亡得永生。
要幫另一半拍攝女神照，從右邊拍會拍到旁邊樓景，未免太煞風景，相反由左邊拍過去嘅角度會更好，以藍天白雲映襯，更能拍到粉紅教堂的童話Feel，對兩個人都未能出國去越南影粉紅教堂嘅朋友，不妨先去尖沙嘴拍女神照。
不過，始終係私人地方，各位打卡時謹記要保持安靜呀！
天主教玫瑰堂
地址﹕尖沙嘴漆咸道南125號
開放時間﹕約07:00 – 17:45
延伸閱讀﹕全港5大超靚教堂 穿越歐洲唔使搭飛機
延伸閱讀﹕半百老牌冰室 必食超濃蕃茄湯+蠔油雞翼
延伸閱讀﹕尖東死場驚現文青咖啡店 藍莓味貝果勁煙韌
延伸閱讀﹕全港5大超靚教堂 穿越歐洲唔使搭飛機
在〈尖沙嘴神秘粉紅教堂 最啱少女打卡〉中有 2 則留言
留言功能已關閉。