[sig_post_pv label=””] 個人瀏覽過
配水庫遊樂場旁邊有咩睇？今次帶大家去一個迷你小日本影相位，小小公園內隱藏一個日式小屋，望落真係有京都風格，最啱拍拖兩個人去影吓相！
炮台山雲景道配水庫遊樂場都可算係區內山腰配水庫休憩處，雖然景觀唔太遼闊，但有足球場、籃球場、兒童遊樂場等康體設施，而從配水庫遊樂場走上紅香爐峰，亦只係15分鐘步程，上山可望更遼闊維港靚景！
延伸閱讀﹕平食重口味酸菜魚/水煮魚 麻王北角開分店 唔使再逼去老銅！
以英皇道作起點，經淺藍、米白相間嘅樓梯直上山，可到達炮台山道，沿路直行至天后廟道，經過天后廟道三號花園，沿旁邊樓梯可直上雲景道配水庫遊樂場。
而天后廟道三號花園雖然只係一個小公園，但原來內有乾坤，公園內隱藏咗一個充滿日式風格嘅打卡位，似足和式風格設計，屋頂以竹棚搭建，中間貌似日式小屋，外連小橋，連小裝飾都有和式味道，簡直一秒穿越日本！
雲景道配水庫遊樂場位處北角雲景道，內有籃球場、7人足球場，亦有洗手間、兒童遊樂場、健身器材等，香港地少人多，山腰嘅配水庫遊樂場會比較少人。
從雲景道配水庫遊樂場更可行到寶馬山紅香爐峰，沿雲景道步行15分鐘，即達寶馬山巴士總站，由對面聖貞德中學旁邊路口走入，可上通往紅香爐峰嘅山徑。上紅香爐峰路段有唔少分岔路口，不過大多有絲帶帶路，基本上15至30分鐘都可以到達山頂位置，視野廣闊，可放眼維港海景同夕陽景色。
北角寶馬山嘅紅香爐峰僅高海拔220米，景觀遼闊，可望180至270度維港海景，一般任何位置都可以打卡，而且無遮擋，但巨石上景觀就更無遮擋，只係略有危險度。
延伸閱讀﹕灣仔山坳頂藏打卡公園 泰式小屋異國風滿滿
E.A.Tips :
(1) 巴士路線23B,25,25A,41,81S,27,85,85A,85P、綠色小巴49M都可到達雲景道配水庫遊樂場，而乘搭電車就可以於木星街站落車，步行上山約15分鐘腳程。
(2) 若去天后廟道三號花園影相，穿上和服會更有日本京都感覺呢！
(3) 雲景道配水庫遊樂場靠近北角官立小學（雲景道），1分鐘腳程可從學校行到配水庫。
(4) 紅香爐峰山頂處巨石遍佈，攀上巨石有危險度，謹記注意安全。
(5) 記得愛護環境，自己垃圾自己帶走。
雲景道配水庫遊樂場
雲景道18號Braemar Hill Road 
07:00–23:00 
2898 7560
天后廟道三號花園
天后廟道70號 07:00–23:00
在〈秒遊京都！ 炮台山配水庫旁秘藏日式公園 30分鐘直上紅香爐峰山頂〉中有 6 則留言
留言功能已關閉。