2月中旬，意味踏入春天花季，近日記者發現葵涌葵芳邨一棵紅花風鈴木已陸續開花，滿屏紫紅色煞是醉人，極吸睛。暫時得一棵未夠壯觀，但隔離嗰棵就完全未開花，所以都有足夠時間俾大家去賞花兼影相㗎！
紅花風鈴木外表貌似一個又一個風鈴，紫紅色非常搶眼，花冠呈漏斗形，有5片花瓣。
另外一棵截稿時間並未開花 , 相信一兩星期左右會係全盛期
翻查資料，紅花風鈴木又叫洋紅風鈴木，英文係Pink Poui，為紫葳科嘅風鈴木，本身原產地係熱帶美洲，例如墨西哥、巴西、巴拉圭、玻利維亞。
紅花風鈴木色調偏紫紅色，比櫻花更添高雅感覺，抬頭望去，仰天可見滿目紅花，由於正值盛放當中，紅花風鈴木未有落於地上。紅花風鈴木介乎華麗、冶艷之間，既包含熱情，又不失高貴，每逢春天開花，夏天長葉結果，秋天枝葉茂盛，冬天滿地枯葉。
E.A.Tips :
(1) 紅花風鈴木座落屋邨範圍，謹記保持安靜，以免騷擾居民。
(2) 保持環境清潔，勿亂丟垃圾。
(3) 愛惜花草樹木，唔好搖晃或攀上樹幹。
(4) 等另一棵開花時，若兩棵都滿滿花朵時，會更壯觀。
葵芳邨
葵芳興芳路177號 
24hours
