西環堅尼地城除咗摩星嶺，亦有靠近市中心而人流稀少嘅地方，堅尼地城臨時遊樂場位處觀龍樓後山，都可算係靠迎市區嘅空中花園，稍移玉步走40分鐘更可前往另一個景觀遼闊嘅摩星嶺配水庫臨時花園，再行上去就係摩星嶺炮臺，沿海岸走更可以兩個人拍拖去睇日落呀！
從士林菲路走到龍華街，經過觀龍樓，沿路上樓梯，旁邊可見香港大學立之學院，頂端就係堅尼地城臨時遊樂場，環境清靜，內有籃球場、足球場等設施，四周被林木包圍，三面環山，一面向住宅方向，似足區內一個空中花園，而場內有堅尼地城界石，係維多利亞城西面標記。
今次堅尼地城嘅配水庫建於1964年，所以會見到舊式配水庫倉門，原來呢個遊樂場前身係金銀貿易場游泳棚、鐘聲游泳棚，本身係沙倉，用以擺放填海後存放海沙，沉降後先開闢作遊樂場，故被稱為沙倉球場。
走出摩星嶺道，又或折返堅尼地城小巴總站方向轉乘巴士或小巴路線，於摩星嶺道可轉上摩星嶺徑，一邊可去擁有超大草地兼遼闊景觀嘅摩星嶺配水庫臨時花園，另一邊可直上摩星嶺炮台。炮台本身有濃厚歷史氣息，為英軍防守港島西面要塞，炮台曾於二戰守衛港島，現場所見半圓炮台可認識歷史之餘，亦有廢墟感覺，再向海岸方向走，可到芝加哥大學觀賞日落，非常方便。
延伸閱讀﹕西環秘地賞夕陽 古蹟校園藏炮台遺跡 漫遊摩星嶺大草地冷門野餐點
「兩隻嘢露吓營」是「E.A.Two 兩個人醫吓肚」的一個活動，以步行及搭車方式走勻全港41個官方露營地，記錄所有露營地資訊。
上一篇
下一篇
E.A.Tips :
❶ 小巴路線13,54M,54S,58M,59,59X,23 都可到達堅尼地城小巴總站。
❷ 行到士美菲路，可於7-11、惠康旁邊Lift直上觀龍樓，然後穿過觀龍樓，步行到龍華街，沿樓梯直上，即可到達堅尼地城臨時遊樂場。
❸ 小巴路線12號可直接上到龍華街觀龍樓。
❹ 堅尼地城臨時遊樂場無照明系統，而且不時有野豬出沒，要小心安全。
❷ 行到士美菲路，可於7-11、惠康旁邊Lift直上觀龍樓，然後穿過觀龍樓，步行到龍華街，沿樓梯直上，即可到達堅尼地城臨時遊樂場。
❸ 小巴路線12號可直接上到龍華街觀龍樓。
❹ 堅尼地城臨時遊樂場無照明系統，而且不時有野豬出沒，要小心安全。
EATWO
Miss A
堅尼地城臨時遊樂場
堅尼地城
06:00–19:00
2853 2563