[sig_post_pv label=””] 個人瀏覽過
觀塘有唔少Cafe，呢間工廈內嘅台式餐廳就係其中之一，以台式美食如肉燥飯、台式湯麵、鹽酥雞為主打，更有同賞茶聯乘嘅台式茶飲，如珍珠奶茶、冬瓜茶，下午茶價格比午餐更相宜，最啱拍拖行完街兩個人去醫吓肚啦！
室內環境清靜舒適，一旁大窗外望行人隧道，窗外行人、車輛熙來攘往，顯得於餐廳用餐更恍如隔世。一般午餐需約$60至$70，而下午茶只係$35至$45，有8款可擇，每款都加入台式小食，更抵食。
寶島蛋餅$35，雙拼加$5，餡料可配燻雞、培根、起司、鮪魚、肉鬆、火腿、粟米，比如鮪魚、肉鬆作餡，似手抓餅，餅皮煙靭，蛋餅包裹餡料，略帶鹹味。
綜合丹麥吐司三文治配鹽酥薯條$45，內餡包含火腿、芝士、煙肉、蛋，餡料豐富，而薯條以鹽酥方式炮製，味道比一般薯條鹹，勝在條條脆卜卜。
冬瓜茶、蜂蜜綠茶味道可口，茶底的確係賞茶味，添加蘆薈等更有咬口，入口清爽，配搭台式食物可解解膩。
延伸閱讀﹕清一色現泡茶 唔賣咖啡！ 觀塘廠遊迷你日系茶室 週末與情人榻榻米放空茗茶
延伸閱讀﹕Vintage感爆燈！ 觀塘最美古董咖啡店法式風情
延伸閱讀﹕觀塘工廈平民丼飯 甲羅燒蟹膏勁飽滿
延伸閱讀﹕抗疫小店隱藏觀塘工廈 炮製超正宗台灣菜
E.A.Tips﹕
(1) 從觀塘工廈三至四期入口右邊樓梯，可以直接上到餐廳位置。
(2) 點餐使用QR Code落單，埋單去櫃枱就得。
小伊甸
觀塘官塘道436-446號官塘工業中心第四期1樓C室
星期一 07:30 – 18:00；星期二至五 07:30 – 21:00；星期六 07:30 – 13:30；星期日、公眾假期全日休息 
3705 3143
在〈觀塘工廈小確幸 台式餐廳小伊甸下午茶低至$35〉中有 2 則留言
留言功能已關閉。