路線checkpoint﹕
燒烤區➡露營區➡流水橋➡流水響➡流水響水塘➡壩➡鶴藪水塘➡鶴藪營地➡鶴藪道

流水響水塘位置喺新界北，比市區清幽寧靜，沿途流水潺潺，位於龍山與石坳山之山谷，適合兩個人拍拖郊遊。

水塘主要為灌溉農地用途，流水響喺鶴藪水塘隔離，可以一次過行埋。

景觀唔係好特別，不過人流唔多，兩個人行得好舒服，好快行完，加上可以影到樹林水塘天空之鏡，感覺流水響水塘好清靜同和諧，所以有「香港小桂林」之稱。

只需沿住流水響道直上就得，沿路一直有指示牌，會經過燒烤區露營。所行嘅路都係水泥路，比較易行，不過就唔係兜一個圈咁行，分支需行完左邊再行右邊咁行。

流水響水塘既可影天空之鏡，樹木品種亦好特別，彼岸有白千層、落羽松、楓香樹、百花魚藤。水塘唔算大，不過兩個人坐低野餐其實幾舒服。

行完流水響可以去另一分支轉去行埋鶴藪水塘，之後行返去鶴藪道就可以搭小巴回程。

交通﹕

去程﹕粉嶺名都轉小巴52B，一程$6.3>總站落，位置大概係流水響道、鶴藪道交匯處
搭小巴30分鐘內可到達

回程﹕行去鶴藪圍會有52B小巴總站上車，見鶴藪亭轉右入去，位置大概係鶴藪道，周末日落時間通常有人排隊。若想快啲返出去，搭Uber返粉嶺站大概$60

地址﹕新界北區及大埔區
所需時間﹕2.5-3小時
路程﹕7.5 公里
E.A. Tips﹕無補給站，要帶充足水同少量食物

延伸閱讀﹕粉嶺神秘壁畫村 每個角落都有藝術感

延伸閱讀﹕粉嶺聯和墟平價泰國菜 必食超濃船河湯底牛湯粉

延伸閱讀﹕蝴蝶山有蝴蝶？ 晨運路線眺新界北風景

延伸閱讀﹕皇后山隨時行足2小時？ 教你2分鐘去到印度廟

Δ 版權為E.A.Two 兩個人醫吓肚所有，歡迎轉貼連結，勿全篇文章轉載

Δ 如果覺得我哋嘅介紹啱睇，就Like吓我哋Facebook / Follow吓我哋Instagram啦！