【區區有小店】4間小店匿藏大埔市中心 間間都係平民食堂

[sig_post_pv label=””] 個人瀏覽過

 

 

 

 

大埔屬本地一個大區域,店舖開完一間又一間,今次講吓當中比較少人留意嘅小店,價錢都屬平價美食,值得拍拖兩個人去用餐。

(1)滿腹食堂

大埔有一間日式食堂處於一個非常隱蔽嘅位置,滿腹食堂屬區內街坊食堂,店內日式漫畫超花心思。人均價錢平,最平$5有一份手卷,菜式則以港式、日式混合,一份Set Lunch份量充足,$43的確好抵食,凍檸茶重有啖啖香茅味。

延伸閱讀﹕大埔人隱藏版食堂 濃味豚肉生薑飯 特價手卷低至$5!

(2)榕基滷水專門店 1992

另一間係屹立逾30年嘅榕基滷水專門店 1992,近年由後生仔接手,主打都係金黃色嘅滷水鵝,似潮式滷水鵝,食得出係有水準嘅獅頭鵝,滷汁配料充足,夠晒入味,有油香而唔多肥膏,重點係價錢平民。

延伸閱讀﹕大埔近30年滷水專門店 $58街坊價食滷水獅頭鵝

(3)德川手握壽司

至於呢間以日式手握壽司、日式料理為主打嘅德川手握壽司,門面低調唔突出,只有百零呎空間,座位極少,價錢親民,壽司由$3至$19不等,火炙壽司每件都只係加$1。壽司即叫即製,等待時間稍長,而刺身新鮮,飯有微溫,果然係手握壽司。

延伸閱讀﹕大埔微舖主打日式料理 手握壽司最平$3件

(4)PARK Cafe

第4間雖然叫Cafe,但事實上係一間平民西餐廳,午市、晚市都有,價錢合理,以意粉、意大利飯、焗飯為主,更有肉眼、羊架等菜式,燈光昏暗,甚有氣氛,撐枱腳都好適合。

延伸閱讀﹕大埔平民西餐廳PARK Cafe檸茶有水準! 主打Fusion菜有驚喜



Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!