大角嘴超人氣台灣菜每日見人龍複製夜市即叫即製古早味便當

大角嘴有一間長期排長龍嘅小店，無論午市定晚市，都會無間斷地見到門口有年輕人拍拖兩個人去排隊等食，受區內街坊歡迎，到底係咪真係咁出色，值得於人龍後輪候入座？

位於轉角位嘅「那個」為一間賣台灣菜嘅食店，室內有如典型咖啡店風格，偌大玻璃加木枱櫈，略帶文青感。店內以古早味便當為主打，包括滷肉、排骨、脆雞、蝦捲。雖然係堂食店，但便當有如台灣夜市風格，全採用紙餐盒，每份都配有兩款配料、如果主菜同白飯，如同台灣鐵路便當。

店內亦有4款唔同款式嘅限定便當，每份便當除咗主食，其餘配料都係一樣，內有兩格為香炒冬粉，即爽滑炒粉絲、微辣嘅玉子豆腐、帶甜嘅玉子燒，粉絲比主菜出色，炒得乾身而入味。主食底下為珍珠米飯，屬正常一人飯量，一份便當約有一個拉麵碗嘅直徑。

今次實試兩款限定便當，當中小速龍雞髀便當$66 都算還原夜市原味道，雞髀舖蓋半個便當盒，雞皮黏滿滷水汁，鹹中略帶香甜味，醬汁亦算係加分位之一，食得出滷水汁內有豐富香料，但同時略有扣分位，滷水汁唔太多，不足以撈飯，而雞肉質地唔算太嫩滑，但可接受。

蒲燒大條嘢鰻魚便當$89 就唔似台式便當，有啲Crossover日式便當，感覺係港人口味，鰻魚亦舖蓋半個便當盒，醬汁香甜，魚肉腍滑，微微黏口，略嫌醬汁較炒，不足以撈飯。

便當套餐可以挑選一碗養生湯或一杯台灣茶飲，免加錢嘅其中一款為南投炭培烏龍，有濃茶香味，適合食完便當後去油解膩，而手搖杯經特別設計，畫面唯美而有意思。飲品當中黑糖波霸奶茶較多人選擇，但較特別嘅係鳳梨冬瓜茶+$6，冬瓜茶本身清甜解渴，加入鳳梨口感特別，略帶有香甜味。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 巴士路線12A, 12B, 2E, 46, 70, 914 皆可到達大角嘴。

❷ 留意Menu不時會轉換，尤其係黑板上嘅限定餐牌。

❸ 此為排隊店，最好避開食飯時間。

❹ 注意落場時間，午市到3點半至4點就會截單。

❺ 小店只收Cash。

❻ 繁忙時間有機會限時1小時用餐。

❼ 最低消費為$30杯飲品。

❽ 套餐會附送基本茶類飲品，或者加錢要其他飲品。

EATWO

Miss A

【區區有小店2024】長洲13間尚存本土餐廳推介！長洲人車仔麵／BBQ場地／芒果糯米糍｜長洲美食推薦2024

兩個人旅吓行

專題

E.A.Tips :

那個ㄋㄚˋ ㄍㄜ˙ NAGE Taiwanese Cuisine