[sig_post_pv label=””] 個人瀏覽過
現時香港人手持BNO，雖然買張機票就可以去移民英國，但都要儲吓錢先有資格去英國居住。今次就先帶大家去一趟英國偽旅行，拍拖遊走3個英式庭園，兩個人預先感受吓英國感覺啦。
（1）美孚﹕荔枝角公園
位於美孚嘅荔枝角公園，向來以中式建築聞名，但其實一隅有一個英式小花園，背景有如英國文學作品《愛麗絲夢遊仙境（Alice’s Adventures in Wonderland）》，對比一般園林設施，的確幾有新意。小花園內有藍白色尖頂小屋、白色韆鞦，充滿夢幻感。
（2）尖沙嘴﹕訊號山花園
另一個英式建築係位處尖沙嘴嘅訊號山花園，可眺維港景觀，但最特別之處係公園內有一座超美紅磚塔，呢座訊號塔曾經為尖東最高點，現時為法定古蹟。整座紅磚塔以花崗石建造，逾百年歷史，配合愛德華巴洛克風格建築風格設計，滿滿英式格調，似足英國古典庭園。
（3）馬灣﹕馬灣公園
第三個英式庭園係位於鹿灣公園…應該係馬灣公園，離市區有一段距離，環境清靜，園內有一道花卉隧道、古堡式鐵閘，有如英國兒童奇幻文學系列小說《Harry Potter》嘅魔幻感，置身英式小花園有如穿越時空秒到英國。
延伸閱讀﹕闖進童話世界 必影花園隧道+鐵閘
延伸閱讀﹕花隧道鐵閘人造景打卡？不了！ 馬灣必影快閃天然浪漫黃金路
（4）山頂﹕山頂公園
最後一個英式庭園就係四個當中海拔最高嘅一個公園，海拔足足有506米，山頂公園位處高尚住宅附近，同時係最高嘅公園。整個公園都採用英國19世紀維多利亞時代風格，原為香港總督山頂別墅前臨空地，當中有多個古典味重嘅海藍色圓頂涼亭，園內有大花圃、多塊大草地，最啱野餐。
延伸閱讀﹕型格酒紅色山頂纜車退役！ 英式貴族風秘密花園野餐打卡 登上太平山真正最高點環瞰香港島
