深水埗大南街咖啡店共享空間 設計藝廊真係值得睇?

[sig_post_pv label=””] 個人瀏覽過





深水埗有好多咖啡店,當中呢間就既係Cafe,招牌唔明顯,推開玻璃門會發現同時係書店、藝術展覽,店內樓高兩層,以複式設計,原來前身的確係一個複合空間,現時不時有藝術活動、工作坊,吸引唔少文青慕名而至,本應係一個拍拖兩個人嘅迆住過週末嘅好地方。

室內以淺灰、白色為主調,門口運用玻璃設計,可拉闊空間,亦可透入陽光。再將底層分成咖啡、展覽、書本三個空間,小店將三者合一,簡單嚟講就係想營造一個多用途空間或共享空間。

不過,餐枱擺放正中央位置,書本、展覽只放牆邊,想食嘢、打卡嘅人未必會睇書、睇設計展覽;而等待咖啡、食物期間想睇書、睇展覽嘅人,又因其他人坐於正中央位置,難以穿插其中,從而走到牆邊位置;而其他人於餐枱進食,即使沿最邊緣而走,於旁邊行過,仍恍惚受到白眼,結果會唔會同小店原先意念背道而馳呢?

編輯欣賞同樣位於深水埗嘅合舍 x moono,將兩個空間完美劃分,進食同睇書睇展覽嘅人唔會互相影響;而今次編輯於openground只望咗兩眼牆邊書籍,有文學刊物、雜誌,亦有小飾物寄賣,最後都係放棄睇書睇展覽,加上樓下人數眾多,拾級而上大概會比較清靜,可以一邊工作、一邊飲吓咖啡,可惜當日有人聲稱要做訪問,未能安靜地迆吓。

延伸閱讀﹕深水埗超輕盈100%純素甜點 限定玄米茶溝Latte似足日式抺茶



除咗有招牌芝麻豆腐芝士蛋糕卷蛋系列,比較平價嘅係Croissant Set $52,一件牛角包加一杯咖啡,可以挑選有芝麻或無芝麻,牛角包配上烘焙過嘅黑芝麻後的確更香口,酥脆感十足,但油份比較多。

咖啡當中以Dirty比較好,原價$40,份量比坊間細小,抵唔抵飲見人見智。Dirty不嬲只有凍飲,於凍牛奶加入溫熱Espresso,皆因牛奶要凍先可以分隔咖啡、牛奶,令原先濃香咖啡味同時帶有牛奶香味,杯緣咖啡、牛奶紋理明顯,入口尚且有層次,但就奶味重過咖啡味,感覺唔太順口,似乎未有撞得起。


E.A.Tips﹕

(1) 乘搭巴士路線118, 12A, 171A, 44, 52X, 86C, 970X 可以到達深水埗,往返佐敦道至屯門、元朗方向。

(2) 留意Last Order時間為18:30,18:00後無堂食,外賣供應至18:30,咖啡、蛋糕都有外賣。

(3) 週末用餐限時2小時。

(4) 留下有免費水,樓上亦有少量座位。

(5) 點餐後,需要等待,到吧台自助取餐。


(6) Croissant Set可挑選$45以下飲品,包括咖啡。


(7) 收據上寫有Wi-Fi密碼,方便要工作嘅朋友。

(8) 最好預留15分鐘等位時間,因為有名氣嘅店舖通常都好多人。


openground

深水埗大南街198號地舖
星期一全日休息;星期二至日12:00 – 20:00
3974 5098

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


在〈深水埗大南街咖啡店共享空間 設計藝廊真係值得睇?〉中有 1 則留言

留言功能已關閉。