[sig_post_pv label=””] 個人瀏覽過
香港人到日本旅行，大多會乘搭當地交通工具，包括4種主要鐵路，當中有JR、東京地鐵、都營地鐵、私鐵，事實上日本地下鐵係城市居民常用城市軌道交通。不過，目前被困香港嘅本地人連香港輕鐵都可幻想成日本地下鐵，編輯就為大家推介一個鮮有人拍攝嘅輕鐵站，帶拍拖情侶們從屯門區起步，來一趟兩個人日本偽旅行啦！
（1）屯門/元朗﹕洪水橋輕鐵站
一般香港輕鐵站都難以拍攝得似日本感覺，往往有一種難以洗走嘅香港味或國內味，必須要挑選一個輕鐵站拍攝偽旅行照片，編輯會選擇位處元朗至屯門之間嘅洪水橋輕鐵站。車站比較遠離鬧市，人流稀少，背景亦無高樓大廈，有日本鄉郊感覺，似足日本都電荒川線，電車於路面行駛，稍有靠近民居。都電荒川線係連接東京荒川區、新宿區嘅車站，係電車軌道路線，被稱為「東京櫻花路面電車」，洪水橋輕鐵站確實有日系車站Feel，值得打卡。不過，香港地下鐵質素又點能夠同日本相比，無論乘客禮儀、安靜程度、設施細節都有如天淵之別，介紹大家拍攝輕鐵站，無叫大家搭輕鐵過去，記得係搭巴士去洪水橋，乘搭巴士路線68A,68X,258P,261P, 268X,276P,960A,960B 都可以到達洪水橋㗎。
（2）屯門﹕有料案內所
入到屯門，先醫吓肚再講，呢間好有大阪街頭風格嘅小店不單店名有日本味，裝潢上亦滿佈霓虹燈牌，午餐亦包含日本街頭小食如日式炒麵、章魚燒等，但小店主打嘅係甜品，包括日式梳乎厘班戟、窩夫等。
延伸閱讀﹕【此黃不同彼黃】無料變有料案內所 全新日式午市套餐最平$47
（3）屯門﹕皇帝巖
食飽後，可以搭車直入屯門龍鼓灘方向，而龍鼓灘背後就有一道秘密小徑，通往小山丘皇帝巖。山上人跡罕至，背靠青山，既可飽覽龍鼓灘風景，亦可望日本鄉村景觀，同時適合觀賞黃昏日落斜照。
延伸閱讀﹕屯門隱密小路登頂望青山「孖煙囪」 龍鼓灘皇帝巖俯首日式景象
（4）CHI Tachinomi
折返屯門市中心，找尋另一間日式小店，以日本居酒屋風格設計嘅CHI Tachinomi，狀似日本福岡屋台，有如往日本旅行時嘅情境。小店內有土手燒、玉子燒、牛肉飯、鰻魚飯、清酒可擇，而且價錢唔高，亦算係經濟型選擇。
