新田落馬洲去馬草壟生態園+南屋仔

上水行到落馬洲!賞北區草原魚塘黃昏日落景 新開馬草壟生態園南屋仔打卡

香港北端雖然正對大灣區,但境內嘅北端的確風景怡人,如果拍拖兩個人由上水徒步至落馬洲,既可找尋荒廢小屋,亦可經過人氣照點大水管,到近月新開業嘅馬草壟生態園南屋仔魚塘打卡,更能到落馬洲方向觀賞黃昏日落景,路段有如瞬間轉移到達台中鄉郊,全程平坦易行。

馬草壟位處香港最北端,於羅湖至落馬洲之間,比古洞水塘更北面,分別可從上水或元朗前往,由上水步行到落馬洲,會途經馬草壟,沿途有唔少北區村落平房。當中料壆小山丘可眺望深圳大灣區,風景是否優美見人見智,事實上,馬草壟靠近邊境,曾一度為禁區範圍,於2013年先解封,現時仍可見用作邊防用途嘅麥景陶碉堡。

由上水起步,穿越大水管或塱原濕地,經過雙魚河、河上鄉,前往大石磨東北面荒屋,可循瀝青路走,荒屋位置離大水管約30分鐘步程,景觀遼闊,遠觀北面,甚至落馬洲河套地區。而荒屋位置其實不足200米高,只係邊境一座小山丘,荒屋就係昔日英軍留守嘅宿舍,用作捉偷渡客。沿山路離開,可以到達梧桐河、得月樓警崗,靠近羅湖口岸、羅湖商業城,一水之隔即為大灣區。

從得月樓前往馬草壟,會經過料壆遊樂場,料壆村只為一條寧願北區村落,前往馬草壟信義新村約需25至30分鐘步程,而得月樓至料壆之間,球場附近分岔路口右邊上行,可到達麥景陶碉堡。碉堡曾為皇家香港警察警崗,於40年代建成,用作檢視偷渡者非法入境,為香港七份一座麥景陶碉堡,為香港二級歷史建築物。碉堡位置可觀望大灣區風景,亦可俯視本地蠔殼圍,離剛才嘅大石磨荒屋不遠。

沿碉堡旁山徑走,到達草地後左行,折返料壆路料壆村,再前往信義新村,然後步行約5分鐘,即可到達近月新開業嘅馬草壟生態園、南屋仔士多。馬草壟南屋仔為一間餐廳,小屋髹滿天藍色,加上畫上壁畫,構成馬草壟小型壁畫村,雖然設計一般,但足以成為唔少人嘅打卡熱點。

而南屋仔背後為魚塘景色,新開業嘅生態園保留咗魚塘,令整個空間由農地、魚塘堆砌而成,大片魚塘風光如畫,畫面震撼,配合少量芒草、夕陽餘暉更可增添色彩,蔚藍天空轉為橙紅落日,配搭醉人落霞後,頓變華麗邊境靚景地。前景為魚塘,背後則為對岸高樓大廈,鄉郊對城市,其實對比蠻強烈。

由馬草壟南屋仔離開,轉向落馬洲方向,可以一條路線直達新田,靠近新田方向會發現有一片超大草原、農田,路段幽靜,馬路寬闊,唔會出現人車爭路嘅情況,配合金黃色調嘅黃昏日落景色,路段有如穿越台灣台中鄉郊。

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 由元朗福康街公共小巴總站開出嘅小巴路線75號可以到達落馬洲下灣漁民新村,落車後步行約30分鐘;而由上水廣場開出嘅小巴路線51B可以到達馬草壟信義新村,落車後步行約5分鐘。

❷ 落馬洲方向路線嘅景觀就比較豐富,一條路直行就到:而上水方向路線就需穿過一間間村屋,較為複雜,不過路程就較快捷。

❸ 75號小巴班次需要等約15分鐘,而51B號小巴班次則約需等候20分鐘,信義新村位置為馬草壟總站,比較容易上車。

❹ 建議盡量避免同村民爭車坐,如果可以,就選擇一道步行返回上水或落馬洲方向嘅路線。

❺ 愛護環境,謹記自己垃圾自己帶走。

❻ 近落馬洲方向嘅黃昏日落景其實比南屋仔對出更壯觀。

❼ 編輯建議以上水為起點,再以落馬洲為終點。

❽ 建議徒步,但如果真係唔想步行,最好踩單車,盡量避免於鄉郊地方駕駛釋放廢氣嘅汽車。

❾ 得月樓警崗至羅湖口岸嘅天橋需要禁區紙先可以進入,謹記唔好胡亂進入啦!

❿ 特別需要注意嘅係,馬草壟信義新村至落馬洲方向係完全收唔到本地電話訊號,包括料壆、羅湖方向,馬草壟新村以下地方、新田、河上鄉方向先可以重新收到電話訊號,而路段亦大多無路牌,所以必須要預先Plan好先好出發。

EATWO
Miss A
新田落馬洲去馬草壟生態園+南屋仔

馬草壟南屋仔

上水馬草壟路馬草壟生態園
08:00 – 18:00