既然盛屋村豐樂圍魚塘已經介紹過,編輯決定原路折返,帶大家前往另一端更神秘嘅黃昏絕佳賞景之地。只要折返原路,經過小巴總站起步點,中段不單會經過農地、養豬場,亦會聽到大量狗吠聲,一端你會發現有一個狗場。事實上,狗場係一個2008年成立自今嘅動物收容所,名為「Kelly Animals Shelter」,為本地保護動物組織。據悉,小店係專門照顧及收養流浪或被遺棄嘅動物,翻查資料內有百幾200隻流浪狗需要打理,有如動物庇護中心,店方曾與著名嘅「連寵拯救隊」合作義賣活動。縱然編輯係怕狗之人,對狗隻基本毫無愛心可言,但呢個的確係值得支持嘅團隊,真正愛護動物應該係身體力行,而唔係只係大叫「好可愛呀」又或者給予狗隻人類食物。有種人對動物只有表面嘅愛,有種人對動物卻有無私嘅愛,分別在於前者唔會真實捐錢或領養,甚至只係得把口支持兼鬧人唔愛動物,一旦牽涉到自己利益就放棄一切堅持,後者卻默默做支援,保持初心。
E.A.Tips :
❶ 新界區專線小巴路線35號可以直達尖鼻咀,留意小巴會先入輞井圍,之後會轉返出深灣路,小巴會喺尖鼻咀迴旋處掉頭,所以走嘅時候盡可能前啲等車。
❷ 小巴會同時經天水圍、元朗市中心。
❸ 前行至流浮山深灣路沙橋村沙橋下灣公廁後再經上村、下村,第三個路口就可以直入沙橋村海傍。
❹ 尖鼻咀有兩部汽水機可作補給。
❺ 尖鼻咀深灣路不時會有大型卡車或貨車經過,盡量要靠邊走。
❷ 小巴會同時經天水圍、元朗市中心。
❸ 前行至流浮山深灣路沙橋村沙橋下灣公廁後再經上村、下村,第三個路口就可以直入沙橋村海傍。
❹ 尖鼻咀有兩部汽水機可作補給。
❺ 尖鼻咀深灣路不時會有大型卡車或貨車經過,盡量要靠邊走。

EATWO
Miss A

尖鼻咀
流浮山深灣路
24hours

唐夏寮/龜山
唐夏寮/龜山流浮山深灣路
24hours

沙橋村
流浮山深灣路
24hours