香港僅餘嘅殖民歷史痕跡少之又少，除咗皇冠郵筒、T形街牌，皇冠電話亭都係值得拍拖兩個人去影吓相留念嘅地方。如果有留意eatwo嘅讀者，應該會記得編輯曾經講過仍舊保存皇冠電話亭嘅新田加州花園，今次就講埋另一個擁有皇冠電話亭嘅地方。
如果你記得《God Save The Queen》，應該都係英屬香港居民之一，對於英國殖民歷史有一定認識，不過你又知道幾多個殖民時代嘅文化產物呢？今次唔講皇冠郵筒、T形街牌，講講比較少人提及嘅皇冠電話亭，而除咗新田加州花園，第二個擁皇冠電話亭嘅係離大潭水塘道不遠嘅陽明山莊，位置既靠近大潭水塘路線，亦毗鄰衛奕信徑，同時離黃泥涌水塘不遠。
陽明山莊係本地一個豪宅地帶，有逾30年樓齡，海拔高近300尺，地勢甚高，住客出入有穿梭巴士。屋苑位於渣甸山、紫羅蘭山之間，三面皆被大潭郊野公園包圍，內裏有園林泳池。
甫轉入陽明山莊入口，一座紅噹噹嘅舊式電話亭即映入眼簾，同新田加州花園嘅殖民時代皇冠電話亭如出一轍，但就與西港城無皇冠嘅假電話亭截然不同。
電話亭頂端有染成紅色嘅皇冠，呢個皇冠係象徵英國皇室嘅皇冠徽號，全個電話亭包廂以赤紅色設計，基本同新田加州花園無異，都係屬於英國殖民時代皇冠電話亭，裏面一樣有PCCW字樣，電話仍可使用。呢種英國獨有嘅赤紅色皇冠電話亭係香港幾近絕跡，仍然保留傳統皇冠電話亭嘅地方少之又少，目前見到懷舊味特別濃，想懷緬吓舊時代產物，不妨多行幾步去留念啦！
E.A.Tips :
❶ 切勿破壞皇冠電話亭。
❷ 謹記保持安靜，切勿騷擾居民。
❸ 陽明山莊離黃泥涌水塘只係約10分鐘步程。
❹ 陽明山莊係毗連大潭郊野公園水塘路入口。
❺ 巴士路線6,76,61,41A,63都可以前往黃泥涌水塘公園，6號會比較方便，中環上車，落車位置可以分段收費，記得再拍一次八達通。
❷ 謹記保持安靜，切勿騷擾居民。
❸ 陽明山莊離黃泥涌水塘只係約10分鐘步程。
❹ 陽明山莊係毗連大潭郊野公園水塘路入口。
❺ 巴士路線6,76,61,41A,63都可以前往黃泥涌水塘公園，6號會比較方便，中環上車，落車位置可以分段收費，記得再拍一次八達通。
EATWO
Miss A
陽明山莊
大潭大潭水塘道88號
24hours
2812 3888