2022-09-282022-12-15Cafe 咖啡店、兩個人醫吓肚 樓上咖啡店自選高水準五品料理!旺角西洋菜南街神秘角落點只賣咖啡綠茶 【#樓上咖啡店】旺角Cafe有好多,近年愈開愈多,而且係開到氾濫,要拍拖兩個人搵樓上咖啡店,其實唔難!不過,要找尋一間食物方面有水準嘅咖啡店,就並非易事,因為大多數都只係掛羊頭賣狗肉,食物水準不值一提,卡邦尼意粉隨時食到厭。今次編輯帶大家到一間樓上咖啡店,都算係旺角區內一個神秘角落,望落好似好難搵,但原來入口只係位處西洋菜南街,抬頭可以見到,一個包含五款冷熱盤嘅Full Set精緻料理套餐$100有找。
2022-09-222022-12-15兩個人影吓相、兩個人醫吓肚、台灣菜、野餐隨行 【野餐隨行】油麻地一級歷史建築鬧市空中花園野餐 神秘台式廚師發辦$100有找! 【#台式Omakase】油麻地與旺角食店眾多,但野餐點極罕見,如果你拍拖兩個人步行到鬧市,因堂食遇過不快事件而唔想堂食用餐,可能只諗到路邊小公園用餐,今次編輯就帶大家去一個鬧市都能夠野餐嘅地方,儼如空中花園,加上一間神秘小店炮製嘅台式便當,而Omakase向來都係出現喺日本菜當中,估唔到食台灣菜都會遇上。
2022-09-062022-12-16兩個人醫吓肚、素食 食Buffet有外帶!無肉食自助餐仍供應自選任夾外賣飯盒 全港5間分店抵過堂食低至$50 【#外賣自助餐】如果因為拍拖兩個人唔想堂食,可能失去好多機會,因為有部份餐廳係拒絕供應外賣,自助餐就係其中之一,而事實上有啲嘢唔係做唔到,只係店家肯唔肯選擇去做,編輯就用外賣事實證明,有一間全港有5間分店嘅素食自助餐店,屹今依舊供應外賣飯盒,價錢平逾半,但仍可飽肚,絕對比堂食更抵食!
2022-09-032022-12-16兩個人醫吓肚、港式 油麻地廣東道2間茶餐廳推介!永發電影取景地推姜濤餐 合發翻新置壁畫引《孤星淚》對白本土味濃 【#電影取景地】油麻地廣東道係一道頗長嘅街道,當中靠近旺角方向就有兩間字面相近嘅茶餐廳,一間屹立幾十年,最近因成為電影取景地而蛻變追星應援地,另一間則於上年尾翻新完畢,細心置有精緻壁畫,更援引《孤星淚》對白,本土味甚濃,兩間都係值得拍拖兩個人前往一試嘅茶記。
2022-08-222023-02-02兩個人醫吓肚、台灣菜 油麻地人氣台灣牛肉麵Cut淨一間 蕃茄濃湯點睛之筆係咩? 【#台式牛肉麵】台灣美食有好多,隨便一款都能夠俘虜香港人,令本地台灣菜餐廳愈開愈多,荔枝角程班長結業之後,到底重有邊間台灣食店可以拍拖兩個人去支持呢?油麻地近麥花臣館就有一間幾有人氣嘅台灣菜餐廳阿木台灣麵,今年4月執淨一間,旺角店已經結業,現時只係淨返油麻地店,同埋一間雜貨店。
2022-08-022023-02-02兩個人醫吓肚、東南亞菜 全港3間分店!油麻地樓上泰國菜用App買外賣享9折優惠 芒果糯米飯宛如當地水準 【#人氣泰國菜】講到香港本土人氣泰國菜,「泰COOL」都可算係數一數二受歡迎嘅泰式食店,編輯好早期幫襯嘅將軍澳店已經結業,現時只係淨低鰂魚涌、觀塘、油麻地3個地區設有分店,今年油麻地分店更一度因為疫情而暫停營業,而目前已復業,更可使用外賣App選擇外賣自取,獲得折扣優惠,想拍拖兩個人買外賣平過堂食,其實唔難!
2022-04-252023-02-09兩個人醫吓肚、日本菜 油麻地香噴噴鐵板魷魚鬚惹人垂涎 廟街招牌流心芝士玉子燒香甜不膩 【#鐵板小食】今時今日,本地人唔需要只找尋大企業先可以搵到美食,根據編輯搵食經驗嚟講,舖頭愈地踎,出品隨時愈好,食物質素分分鐘更有驚喜,所以我哋特別建議大家拍拖兩個人選擇小店,今次就去到極少同路人嘅油麻地廟街,離遠已經聞到鐵板小食香味。
2021-12-302023-02-10兩個人醫吓肚、港式 廟街夜市搵食無得揀?油麻地冰室離廟街僅10公尺 即叫即整煲仔小菜 【#廟街煲仔菜】步入佐敦至油麻地著名嘅廟街夜市,適逢氣溫逐步下降,大多數人都愛好廟街內嘅打冷店或煲仔飯,不過要現時兩個人拍拖於廟街搵食簡直難過登天,事實上離廟街10公尺嘅地方,即係幾步之遙,就已經可以搵到一間同路人小店。搵食唔困難,問題係你願唔願意去搵!
2021-10-252023-02-16中菜、兩個人醫吓肚、港式 雞煲例牌當加餸!一滾即食!旺角陸陸雞煲被停晚市 外賣$0半隻雞救亡! 【#外賣雞煲】早前旺角陸陸雞煲又被停晚市,只能靠外賣維生,網上隨即出現$0半隻雞優惠,適合大班人聚會開Party,至於拍拖兩個人,編輯建議直接去門市買外賣,買個例牌返屋企當加餸,其實雞煲都唔一定要堂食姐,返屋企放落煲滾一滾就食得啦!
2021-09-282023-02-16兩個人醫吓肚、日本菜 油麻地彌敦道平價外賣店 日式丼飯x台灣小食街坊讚好 【#外賣便當】香港地租金高昂,飲食業百上加斤,加上堂食又諸多限制,外賣店愈來愈多,近年大多數都係只提供外賣嘅小店,油麻地彌敦道就有一間外賣店一直受到街坊歡迎,菜式以台日菜為主,價錢相宜,唔少街坊都會幫襯吓,亦可算係拍拖兩個人掃街嘅好地方。