標籤: 日落秘境

【#石澳角落】夏日來臨，又係時候兩個人搵個沙灘玩吓，當中石澳就有兩個沙灘，一邊聚集港人，而另一邊則聚集西人，海水清澈，任君選擇。另一邊廂，石澳情人橋曾因颱風「山竹」吹襲而倒塌，但月前已經重開，搶眼嘅粉藍色情人橋又再次演變成拍拖情侶朝聖之地，而情人橋背後其實重有一道小路，可以於高點回望石澳漁村風景。

【#最紅燈塔】盛夏向來係玩水季節，唔少人都遍尋水質良好嘅沙灘，編輯就帶大家去西貢三星灣，向來係水質良好嘅泳灘，海水碧綠得如玻璃水，不過今次唔係搭船入去，而係步行入去，兩個人簡單行完山再落水，感覺會更爽！離開三星灣泳灘後，並唔代表唔再有景點，來往三星灣至白沙灣，細心留意會發現一座神秘燈塔，寫有近月最紅嘅一組數字，而到達白沙灣碼頭亦可觀賞遊艇海上嘅唯美日落景。

【#天使的散步道】龍尾灘近月正式開放，久未出埠嘅香港人連人工泳灘都見縫插針，其實離龍尾灘不遠處都有一個石灘，而且係一個連島沙洲，恍如日本小豆島「天使之路」，唔需要拍拖搭船去橋咀島，一樣都可以兩個人去拍攝連島沙洲㗎！

【#大埔偽旅行】提到大埔大美督，大多數人只會諗到踩單車入水壩，而最近龍尾灘開放，縱然灘上出現海膽，仍吸引唔少人慕名而至，以至龍尾灘附近更擁擠，但其實大埔汀角路重有其他免費地方值得拍拖兩個人遊覽，當中山上就有一座以修行為主嘅寺院，毋須攀山涉水，不單融合中日式設計，更有高聳入雲觀音像，入面亦遍佈影相位，甚至神還原日本神社御手洗！

【#爆菊花田】唔係「爆菊花田」，係「爆菊．花田」。最近改篇自日本作品嘅本地劇集《大叔的愛》風靡一眾觀眾同網民，就連傳統幾百部電視機計算出嚟嘅收視率都節節上升，恍惚愈來愈多人鍾意食「菊花黃瓜飯」（有BL之意），電視機有爆紅嘅菊花之戀，現實中大家一樣可以喺香港搵到一大片「爆菊」花海，今次編輯就帶大家找尋呢片爆紅菊花啦！

提到錦田，只識樹屋？其實樹屋附近重有一個超靚嘅雙池塘，湖光山色，波平如鏡，最啱拍攝天空之鏡(日落時間會更壯觀)。

去戶外都嫌多人？呢條郊遊路線少人又易行，沿海風光如畫，既有紅樹林海岸，亦有金黃蘆葦花田，仲有無遮擋日落靚景，最啱周末閒遊！

要抓緊夏天尾巴，就要去沙灘行吓啦！白水碗沙灘人跡罕至，影相位多多，值得行吓。

蝴蝶山真係有蝴蝶？係有嘅，不過就要靠運氣啦！