標籤: 春天

【#罕見黃木棉】踏入初春，代表又到咗賞花嘅時候，本來編輯今年並無打算追花，亦唔想寫香港賞花2022追蹤地圖，但近日於大窩口發現一棵非常罕見嘅黃花木棉樹，樹上朵朵鮮黃木棉掉落，色調極搶眼，無論樹形定花形都同現時隨處可見嘅紅花木棉樹相似，原來黃花木棉係極罕有嘅品種，只係受氣候、土壤等環境影響轉色，黃棉確實比紅棉更值得拍拖兩個人去駐足觀賞。

【#紫色浪漫】沙田公園位置靠近城門河畔，同時靠近沙田大會堂、新城市廣場，交通便捷，向來係一個市區拍拖散步嘅好地方，踏入4月，兩個人更可以於公園內觀賞剛剛綻開嘅藍花楹。公園內種有約20棵藍花楹樹，數量上分分鐘係全港之冠，令沙田公園每年都係觀賞藍花楹嘅好地方，現時藍花楹剛剛綻放，但稍為矮小嘅藍花楹則未開花，樹下更有大片草地，最適宜一邊野餐，一邊賞花啦！

【#古樹開花】3月剛剛過去，櫻花已逐步凋謝，但唔代表「賞花地圖2021」就此結束，事實上春季賞花地圖並唔係只有櫻花一種花卉，同樣值得拍拖兩個人賞花打卡。踏入4月，有一種媲美櫻花嬌艷嘅粉紅嫩白花朵綻放，位置於中環紅棉路，今年如往年一樣開花。

【#賞花地圖】粉嶺村落眾多，今年頭有一條村落被政府半百人員突襲收地，該村落靠近梧桐河，算係粉嶺區內嘅寧靜小農村，村落入口裝飾感覺似充滿童話風嘅小徑，唔少人都會踩單車經過，更特別係村內可以安靜地觀賞木棉花，適合拍拖兩個人閒遊。

【#賞花地圖】踏入3月下旬，以為已經無櫻花睇？事實上，大多數本地櫻花已經開花，甚至過咗花期，已經凋謝，重想睇櫻花嘅你，不妨兩個人去鴨脷洲行吓，皆因海旁重有櫻花正盛放當中，合共約有14棵八重櫻，一棵又一棵，形成花海，拍拖睇睇都幾浪漫㗎！

【#賞花地圖】櫻花睇得多，你又知唔知咩係宮粉羊蹄甲呢？唔少人都將早年代表香港、硬幣上嘅洋紫荊同宮粉羊蹄甲撈亂，到底宮粉羊蹄甲同洋紫荊有咩分別？

【#賞花地圖】佐敦谷公園擁兩片大草地，係著名嘅野餐好去處，今年公園內有簕杜鵑花，重有位置神秘嘅宮粉羊蹄甲，人跡罕至，拍攝時充滿和風味道，狀似櫻花地，有別於一般地點，相當浪漫。

【#賞花地圖】向來物種豐富嘅嘉道理農場暨植物園終於喺上月重開，既可行吓觀音山，亦有有各式動物、多種植物可以觀賞，更加係春季賞花好去處之一，拍拖閒遊可以行足半日！早前嘉道理農場暨植物園就有櫻花、梅花、吊鐘花、桃花等綻放，今個月更有浪漫紫藍色嘅藍花藤、罕見嘅白花油麻藤等亮麗花卉，絕對值得兩個人去打卡！

【#賞花地圖】以本地櫻花嚟講，將軍澳嘅香港單車館公園都算係非常出名嘅櫻花地之一，園內有兩種櫻花，包括吉野櫻同鐘花櫻桃，每朵櫻花細小又精緻，粉嫩狀態嘅小櫻花於雨中更出現極浪漫嘅景象。

【#賞花地圖】大埔海濱公園不單有富士櫻，更驚現罕見嘅墨染櫻，櫻花於落雨期間仍保持儀態萬千，每片小花瓣被小水點點綴，更顯立體。