標籤: 澳門博物館

【#標本博物館】夏天去澳門快閃遊，天氣炎熱﹐一係去「黑沙海灘」或「竹灣海灘」等沙灘降溫，否則情侶拍拖兩個人最適宜係去冷氣間遊覽，例如係博物館。除咗典型嘅藝術館、科學館，路環小島一隅近年有一個全新標本博物館，竟然有大熊貓、黑熊、藍孔雀同鱷魚1:1巨型標本！

【#澳門最西面】澳門最東點同最南點都位於路環島，而澳門最西點就喺澳門半島內，只要乘搭全新澳門輕軌，就能直達西面海邊堤圍，海邊步道清靜，不妨拍拖兩個人散散步。海邊堤圍靠近媽閣廟前地，當中唔單止有最古老廟宇，海事博物館同一幢電車綠色葡式建築物。

【#磁貼便利店】通常去旅行先會想拍拖兩個人逛逛精品店，澳門短遊就好少會行吓精品店或紀念品店。好多紀念品店為吸引遊客，都集中於「大三巴牌坊」週邊不足5分鐘步程嘅距離，款式眾多；今次編輯路過一間紀念品專門店，90%都係葡式風格雪櫃磁貼，似乎係一間磁貼便利店！

【#清靜電影館】「大三巴牌坊」樓下嘅「戀愛巷」係唔少情侶拍拖兩個人浪漫打卡嘅熱門勝地，巷弄其實唔單止可以側望大三巴，重有一個隱藏樓上電影館，館內係唯一播放非主流電影嘅小型戲院，而呢啲電影都係主流戲院好多時候都無得睇。館內遊人較少，想兩個人靜靜哋睇吓戲，不妨走入呢個迷你電影館！

【#貓壁消失】貓壁畫無論喺邊個城市，都係最容易吸引眼球同獲得遊人垂青嘅景點，通常情侶拍拖兩個人都會向貓壁畫打卡。澳門上年就喺關前薈設有4大貓壁，但現時就只係剩返少數貓壁，巨型貓壁已經消失，不過關前薈依然有唔少人流。而多年前吸引遊客嘅可口可樂博物館亦屹立不搖，依然有海量珍藏品可以參觀。

【#當舖博物館】澳門值得情侶拍拖兩個人遊覽嘅其中一個原因，係因為澳門將好多歷史文化都完整保留，連小小痕跡及小物都完好保存。其中，距離「議事亭前地」及「大三巴牌坊」不遠嘅「典當業展示館」，就將舊有嘅當舖變成一個小型博物館，展示當樓、貨樓，而且容許遊人前往參觀，恍如時光倒流，穿梭至舊時代！