【夏天好去處】近路環郵政局、原為留產所！小島角落動物標本展示館新景點大熊貓／藍孔雀／鱷魚標本靜止地延續生命？

夏天去澳門快閃遊，天氣炎熱﹐一係去「黑沙海灘」或「竹灣海灘」等沙灘降溫，否則情侶拍拖兩個人最適宜係去冷氣間遊覽，例如係博物館。除咗典型嘅藝術館、科學館，路環小島一隅近年有一個全新標本博物館，竟然有大熊貓、黑熊、藍孔雀同鱷魚1:1巨型標本！

從澳門半島或氹仔前往路環市區，車程只需約30至45分鐘。抵達路環小島後，唔單止可以去逛海邊小街，打卡彩色教堂或圖書館，甚至係壁畫巷弄，更可以前往隱藏於角落嘅「澳門動物標本展示館」。只需要從「恩尼斯花園」或「路環街市」起步，向「路環郵政分局」方向走，3分鐘就能到達該動物標本展示館！

「路環郵政分局」係澳門13間郵政局之一，設於1999年，係20年代後澳門第二間郵政局。近年，路環該郵局更增設紀念圖章，有興趣可以去蓋印留念，留低澳門郵蹤！不過，該圖章並無郵政效力，只係作紀念用途。

距離「路環郵政分局」不足1分鐘步程，即可抵達「澳門動物標本展示館」。整個博物館地方不大，面積相信唔多於500平方米，但就分為8個主題展覽室！當中，包括有「澳門生態綜述展室」、「珍稀瀕危動物展室」、「澳門丘陵低山生態系統展室」、「澳門濕地生態系統展室」、「標本陳列展室」、「爬行動物展室」、「海洋動物展室」、「特展室」，最後有互動放映室同標本製作室。

呢個動物標本展覽地，整幢建築物前身其實係路環居民留產所，用作俾當地孕婦緊急分娩嘅地方。不過，後來醫療及交通進步，唔少人都陸續去醫院分娩，用家自然大大減少，最終甚至停用。該建築物後來曾用作海島市政廳之用，不過最後就變成現時嘅「澳門動物標本展示館」，室內冷氣充足，免費入場，夏天必到！

小型展館內，一開始已經劈頭寫明「靜止與延續」，主題突出，馬上聯想到就算動物已為靜止狀態，都可以延續其生命。而該博物館就係澳門首個以動物及自然生態為主題嘅展覽空間，據悉係等大家可以認識歷史及自然生態環境。館內唔單止有唔少當地野生動物，亦有已絕種嘅穿山甲，甚至極罕見嘅澳門南海溪蟹、亞洲黑熊Bobo等。其他動物標本眾多，栩栩如生，包括有大熊貓心心、海豚、藍孔雀、海龜、鱷魚、蛇等等嘅標本，行過路環不妒去見證生態變遷。

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 從路環市區「恩尼斯花園」落車，向「打纜街」方向走，前行2分鐘可達「路環郵政局」，再前行1分鐘即達「澳門動物標本展示館」。

❷ 乘搭巴士路線25、26、50、N3至「路環市區」，落車就到「恩尼斯花園」迴旋處。若於澳門半島「亞馬喇圓地」起步，車程約45分鐘；而若由氹仔起步，車程約30分鐘。

❸ 博物館係免費進入，但有cctv，無職員駐守，所以敬請自律。

❹ 該館最入面有個小黑房，鍾意搵位打卡可以靠投影機投射出嘅畫面，影出小型teamlab畫面感。