標籤: 錦田景點

【#向日葵花園】元朗「信芯園農莊」近年一直係網美喜愛嘅向日葵花海打卡地，每逢夏季都有唔少人慕名而至，爭相追訪一朵又一朵又叫太陽花嘅向日葵。拍拖兩個人前往影相又真係幾浪漫，整個場景猶如台中「中社觀光花市」，其實香港都有能夠媲美外地嘅景點。不過，最近「信芯園」2025年11月嘅太陽花已經到達最後一季，因為預計2026年呢一帶陸續被收地，花海有可能絕跡小磡村。想要睇最後綻放嘅向日葵／太陽花花海，即刻睇以下最真實嘅搭車同徒步路線！

【#百年古道】錦田石崗軍營近雷公田位置於春季會有一道木棉大道，秋冬時節竟然亦有楓葉觀看，而雷公田內有一道百年歷史嘅古道，穿梭其中亦有另一棵楓樹，盡頭處可以連接另一道郊遊徑，係拍拖兩個人閒遊之選。

提到錦田，只識樹屋？其實樹屋附近重有一個超靚嘅雙池塘，湖光山色，波平如鏡，最啱拍攝天空之鏡(日落時間會更壯觀)。