大欖隧道出發！30分鐘登清潭水塘快閃無障礙路線上下水塘湖面平靜透視蔚藍天空

靠近錦田嘅清潭水塘離河背水塘不遠，清潭水塘清靜之餘亦有靚景，人氣度卻比河背水塘低，而事實上兩個水塘能以一條路線貫穿。大多數人拍拖兩個人遊河背水塘或清潭水塘都會從錦田市中心起步，前往石崗雷公田村出發，遊走郊遊徑就可以前往水塘。編輯今次就帶大家從大欖隧道出發，交通方便、路程更短，由轉車站起步，全程瀝青路，完全係無障礙路線，30分鐘就能登上清潭水塘！

清潭水塘環境清幽寧靜，毗鄰河背水塘，位於元朗錦田一個山谷，靠近清潭村、大欖郊野公園，處於錦田河上游一帶。若從河背村走到清潭水塘，路段為無障礙路線，路面平坦，輕鬆易行。水塘雖小，但就分為上下兩個水塘，以堤壩分隔，兩邊水塘都被叢林包圍，水塘用作提供淡水予農民灌溉農田。清潭水塘連接大欖涌水塘，政府於60年代時曾經將下清潭水塘引水至大欖涌水塘，影響錦田中下游嘅水量，以至後來再開闢4個灌溉水塘供農民之用，上下清潭水塘就係其中兩個水塘。

要前往河背水塘或清潭水塘，多數人都會從錦田市中心搭車到石崗雷公田村起步，時間比較長，路程較遠。而事實上，若從大欖隧道轉車站出發，則較方便，因為有多條巴士路線可達轉車站，交通更便捷。落車後，依循前往錦田市中心嘅巴士站走向八鄉路，穿過青朗公路橋底，直上天橋。

於天橋上，可俯視橋底地下鐵路列車，皆因位置係港鐵八鄉維修中心，沿大橋下行至元大路，即可轉入村屋方向，由大欖隧道下行至天橋底村屋入口，只係不足10分鐘步程。經過元崗新村，於地圖上可以嘉碧峰為其中一個路標，再前行至大窩村村公所，此後多為未入伙村屋，如同剛完工嘅地盤。只要穿過村屋，就會到達清潭水塘、河背水塘入口處，由八鄉路村路入口開始，直到此山路入口，距離約15分鐘步程。

轉上山路，沿途會見到一個個墳墓，上行不足10分鐘步程，就會到達清潭水塘與河背水塘分岔口。如果前行至河背水塘，就需要約25分鐘腳程，而若只係上行至清潭水塘，只係約5分鐘步程，路段坡幅不大，遍佈樹蔭，輕鬆易行，中途更可回望大欖隧道、八鄉平原及錦田市區，為一道無障礙水塘路線，老少咸宜。

先到達下清潭水塘，入口隱蔽，可仰望上清潭水塘水壩，水塘一帶清幽寧靜，人流極少，適合閒遊。由下清潭水塘上行1至2分鐘，就會抵達上清潭水塘，一端更有標高柱。從上清潭水塘回望，亦可俯視下清潭水塘水壩。

水塘一帶十分清靜，背靠山巒，流水唔算氣勢磅礡，只有少量潺潺流水聲，湖面亦平靜，波平如鏡，令人心曠神怡。天朗氣清時更可輕鬆拍攝天空之鏡，水塘水面反射出蔚藍天空，雲朵映照於水面，水塘中有鯉魚暢泳，畫面如同於雲朵中嬉水。

若要離開清潭水塘，可以沿路折返，亦可繼續遊覽河背水塘，而清潭水塘水壩另一端盡頭方向可以通往甲龍林徑，續走甲龍古道郊遊徑或雷公田村方向，於石崗或荃錦公路離開亦可，但至少要1小時步程。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 只要乘搭來往大欖隧道轉廾車站嘅巴士路線就得。

❷ 落車後向錦田市中心巴士路線方向走，一直穿過天橋就可以前往錦田村屋方向，最好定位元崗新村。

❸ 穿過村屋就可以上行至清潭水塘。

❹ 上行樓梯後，分岔路口左邊為清潭水塘，而右邊就係河背水塘。

❺ 水塘全為無障礙路線，而呢道經大窩村、元崗新村嘅小路經只係捷徑，如果要完全無障礙路線，可以經河背水塘及長莆村，可以乘搭小巴路線返回錦田或元朗。

❻ 水塘平靜，謹記切勿喧嘩或播放音樂。

❼ 巴士路線51或64K、小巴路線71號皆可以於雷公田落車，分別來往荃灣、元朗。

❶ 謹記自己垃圾自己帶走。

❷ 穿過村屋時，記得唔好大聲講嘢，切勿騷擾村民。

EATWO

Miss A

【區區有小店2024】香港仔＋鴨脷洲7間尚存本土餐廳推介！平民西餐廳／地道越菜／舊式茶檔｜香港仔、鴨脷洲美食推薦2024