eatwo 兩個人醫吓肚

【#最神秘叻沙】有留意E.A.Two都會知道，我哋曾經去過葵芳「初心食堂」，當時只係一間狀似家庭式嘅小店，僅以濃稠叻沙為主，當時一嘗已經覺得係香港出色叻沙店。近年該店重開，竟然變成一間「五無」居酒屋模式，依然以叻沙為主，想要拍拖兩個人去食到，只能靠緣份，到底無邊「五無」呢？

【#平民葡國菜】如果拍拖兩個人去澳門快閃遊，少不免係搵間葡國菜餐廳，但遊客區好多葡式餐廳價格都係偏高，想要搵間價錢較低嘅葡國餐唔係咁容易。其中，澳門大三巴附近有一間平民葡國菜餐廳，價格較其他葡國菜餐廳低廉。

【#港式大排檔】近年，想搵港式大排檔並唔容易，最為人熟悉嘅只係分店依然林立嘅「楚撚記大排檔」，該店裝潢比較新式同企理。拍拖兩個人想要於小店中找尋舊式街邊大排檔非常困難，今次E.A.Two就前往隱身於九龍灣屋邨內嘅冬菇亭大排檔，該店夜晚有鑊氣小炒，中午就係附近地盤工嘅飯堂，麻甩味極濃，大大碟鑊氣碟頭飯最平只係$50！

【#限定夜市】澳門不時會有夜市，其中澳門半島就有一個比較知名嘅「康公夜市」，而另一端亦不時有限定夜市。該夜市位於「塔石廣場」，名為「塔石藝墟」，雖然唔係經常舉行，但間唔中就會出現限定夜市，如果拍拖兩個人去澳門快閃，不妨去睇睇嗰期有無夜市啦！