分類: 兩個人影吓相

【#配水庫公園】配水庫遊樂場多數位於市區一帶，而且擁有寬闊大草地，一般位於舊式配水庫之上，適合拍拖兩個人去野餐。城中到底有幾多個配水庫？編輯曾經走訪港、九、新界大部份配水庫，但其實只有一部份配水庫先會於上蓋設有遊樂場或休憩花園，即刻睇睇有邊個配水庫公園啱心水啦！

【#快靚正路線】於香港行山，好多時候都要帶備足夠裝備，拍拖兩個人行山隨時要重裝。今次編輯為大家整合全港30條超簡單行山路線，輕輕鬆鬆上山，無需要太辛苦，都可以到達賞景位，甚至可以360度環瞰山下景色。對於「15分鐘上山頂」，有啲人睇慣咗部份平台，可能已經覺得呢啲係標題黨，欺騙讀者，但編輯可以肯定，以下路線絕對可以15分鐘登山頂，當然以個人步程計算，絕對係快靚正行山路線！

【#中秋節花燈】今年，以手繪燈籠打造香港花燈節嘅地方愈來愈多，而呢種手繪燈籠模式嘅花燈節，元祖始於大澳非茂里團體。今年大澳繼續貫徹以往初心，將手繪燈籠掛滿大澳小島每個角落，發出代表希望嘅亮光，再次為居民及遊人帶嚟中秋活動，為拍拖兩個人中秋好去處之一。不過，平常最熱鬧嘅大澳天后廟對出廣場，竟然演變成一片鮮紅旗海，將DIY花燈全部遮薇，難怪鮮見人流停留花燈之下。編輯今次推介大家到一道隱藏大澳階梯，花燈佈滿頗高嘅樓梯當中，絕對稱得上打卡位！

【#中秋節花燈】香港夜繽紛已經開鑼，適逢臨近中秋，多個地區皆陸續設有中秋展覽，讓各位拍拖兩個人去打卡。其中，尖沙嘴係中秋節經常滿佈遊人嘅熱門地方，今年文化中心露天廣場更設有一個中秋展覽。不過單睇裝置，雖然表面夜晚會發光，而且會變色，於ig上更有互動光影效果，但展品形態騎呢，呢部聲稱為「月亮製造機」嘅裝置，於倒影中反而有幾分似太空星球？

【#中秋節花燈】臨近中秋，又係拍拖兩個人找尋中秋好去處嘅時候。繼往年大澳花燈節變成中秋人氣打卡熱點，灣仔藍屋去年亦與大澳非茂里合作，加入花燈戰團。今年藍屋更再接再勵，再次設下花燈節，多個手繪花燈掛滿藍色小屋，走廊更有多條燈謎。而藍屋附近嘅利東街亦一如以往張燈結綵，200米長街道內掛有800個紅噹噹燈籠，至少比碼頭附近天橋大紅燈籠好。

【#中秋節花燈】中秋節最重要是人月兩團圓，拍拖兩個人當然要手拖手去搵地方逛一逛啦！以往中秋節，香港唔少地方都會打造花燈節，整個地方皆佈滿手繪燈籠，呢方面以大澳及灣仔藍屋最為人熟悉。今次eatwo帶大家到比較靠近市區嘅美孚饒宗頤文化館，今年館內不單設有一連4日開放日，特別舉辦主題展覽、手作市集等。而由即日起，館內亦設有隨時免費入場嘅中秋花燈放題，中秋花燈打卡位則分成兩個地方，手繪燈籠眾多，最美燈籠你又覺得係邊個？